9. Xana hi nga dyondza yini eka ku tiyimisela ka Hana ku teka riendzo ro ya eXilo hambileswi a swi tiva leswi Penina a a ta swi endla?

⁹ Nimixo, swirho hinkwaswo swa ndyangu a swi khomekile. Un’wana ni un’wana a a lunghekela riendzo ku katsa ni vana. Riendzo ro ya eXilo a ri tekela ndyangu lowukulu tikhilomitara to tlula 30 loko wu tsemakanya hi le tintshaveni ta Efrayimi.b Loko wu famba hi milenge a wu ta heta siku rin’we kumbe mambirhi. Hana a a swi tiva leswi Penina a a ta swi endla loko va ri endleleni. Kambe leswi a swi n’wi tshikisanga ku famba. Kutani u vekele vagandzeri hinkwavo va Xikwembu xikombiso lexinene. A hi vutlhari ku pfumelela mahanyelo ya vanhu van’wana leswaku ma hi sivela ku ya emahlweni hi gandzela Xikwembu. Ku endla tano swi nga ha endla leswaku hi lahlekeriwa hi mikateko leyi a yi ta hi pfuna leswaku hi kota ku tiyisela.