-
U Yime A Tiyile Hikwalaho Ka Vanhu Va XikwembuTekelela Ripfumelo Ra Vona
-
-
22. Ha yini Estere a a chava ku ya emahlweni ka nuna wakwe loyi a nga hosi? (Nakambe vona nhlamuselo ya le hansi.)
22 Estere u fanele a khomiwe hi rhumbyana loko a twa rungula rero. Lowu a ku ri ndzingo lowukulu wa ripfumelo rakwe. A chava, hilaha a swi kombiseke hakona loko a hlamula Mordekayi. U n’wi tsundzuxe hi nawu wa hosi. Loko munhu a ya emahlweni ka hosi yi nga n’wi vitananga a dlayiwa. Loko ntsena hosi yi n’wi tlakusela nhonga ya yona ya vuhosi ya nsuku mudyohi a ta va a sirhelelekile. Xana Estere a ri ni xivangelo xo langutela leswaku hi musa u ta sirheleriwa, ngopfu-ngopfu hileswi a voneke leswi Vhaxiti a endliweke swona loko a ale xileriso xo ya emahlweni ka hosi? U byele Mordekayi leswaku hosi a yi nga n’wi vitananga ku ringana masiku ya 30! Leswi a yi nga n’wi vitananga ku ringana nkarhi wo leha, a nga ha va a tivutisile loko ku ri leswaku hosi a ya ha n’wi tsakela.e—Est. 4:9-11.
-
-
U Yime A Tiyile Hikwalaho Ka Vanhu Va XikwembuTekelela Ripfumelo Ra Vona
-
-
e Xerxes wo Sungula a ri na swipfukela naswona a ri ni madzolonga. N’wamatimu wa Mugriki Herodotus u rhekhode swin’wana swa swikombiso swa nyimpi ya Xerxes leyi a yi lweke na Grikiya. Hosi yi lerise leswaku ku akiwa buloho ra swikepe ro tsemakanya ra le Hellespont. Loko xidzedze xi onha buloho, Xerxes u lerise leswaku ku dlayiwa vanjhiniyara a tlhela a endla leswaku vavanuna vakwe va “xanisa” vanhu va le Hellespont hi ku hambukisa mati loko ku ri karhi ku tivisiwa xitiviso. Eka tsima leri fanaka, loko wanuna la fuweke a kombela leswaku n’wana wakwe wa jaha a ntshunxiwa leswaku a nga joyini vuthu ra masocha, Xerxes a lava leswaku n’wana loyi a tsemiwa hi le xikarhi, ntsumbu wakwe wu kombisiwa tanihi xilemukiso.
-