20. Hi nga endla yini loko hi hlangana ni munhu loyi a nga ni tingana?

²⁰ Ku vuriwa yini loko munhu a vonaka a phirheka loko u vulavula na yena hi timhaka ta moya? U nga heli matimba. Kumbexana u nga pfulekeriwa hi nkarhi lowunene endzhaku. Solomoni u te: “Rito leri vuriweke hi nkarhi wa kona ri fana ni maapula ya nsuku exibyeni xa silivhere.” (Swivuriso 25:11) Anakanyela vanhu lava nga ni tingana. “Xitsundzuxo lexi nga embilwini ya munhu xi fana ni mati yo enta, kambe munhu wa ku twisisa hi loyi a nga ta xi humesa.”a (Swivuriso 20:5) Ku tlula sweswo hinkwaswo, u nga pfumeleli malangutelo ya van’wana ma ku sivela ku vulavula hi swilo leswi khumbaka mbilu ya wena.