2:7; 3:5—Ha yini vavasati va le hubyeni va hlambanyisiwe “hi timhala ta matswele kumbe timbavala”? Timhala ni timbavala ti tiveriwa ku xonga ka tona. Entiyisweni, nhwanyana wa Muxulami u hlambanyise vavasati va le hubyeni hi nchumu wun’wana ni wun’wana wo xonga leswaku a va sivela ku ringeta ku pfuxa rirhandzu ra yena.

2:7; 3:5. Nhwanyana loyi loyi a kuleleke emakaya a a nga swi lavi ku rhandzana na Solomoni. U tlhele a hlambanyisa vavasati va le hubyeni leswaku va nga ringeti ku n’wi endla leswaku a rhandza munhu wihi na wihi handle ka jaha ra yena leri nga murisi. A swi koteki naswona a swi fanelanga ku lava ku rhandzana ni munhu wihi na wihi. Mukreste la nga si nghenelaka vukati la navelaka ku byi nghenela u fanele a tekana ni nandza wa Yehovha la tshembekaka ntsena.—1 Vakorinto 7:39.