• “Vito Lerintshwa”
    Vuprofeta Bya Esaya—Rivoningo Eka Vanhu Hinkwavo II

    • Yehovha A Va Thya “Vito Lerintshwa”

      6. Xana Yehovha a a anakanya yini hi Siyoni?

      6 Xana Yehovha a a anakanya yini hi Siyoni, ku nga “wansati” wakwe wa le tilweni, loyi a a yimeriwa hi Yerusalema wa khale? U ri: “Kunene matiko ma ta vona ku lulama ka wena, Wena wansati, ni tihosi hinkwato ti ta vona ku vangama ka wena. Entiyisweni u ta vitaniwa hi vito lerintshwa, leri nomu wa Yehovha wu nga ta ri hlawula.” (Esaya 62:2) Loko Vaisrayele va endla leswo lulama, matiko a ma boheka ku va hlalela. Hambi ti ri tihosi a ti boheka ku pfumela leswaku Yehovha a a tirhisa Yerusalema, ni leswaku vulawuri byihi ni byihi lebyi ti nga na byona a byi nga ri nchumu loko byi ringanisiwa ni Mfumo wa Yehovha.—Esaya 49:23.

      7. Xana vito lerintshwa ra Siyoni a ri komba yini?

      7 Endzhaku Yehovha u tiyisekise xiyimo lexi cinceke xa Siyoni hi ku n’wi thya vito lerintshwa. Vito rero lerintshwa ri komba nkateko ni ku fundzhiwa loku vana va Siyoni va le misaveni va veke na kona ku sukela hi 537 B.C.E.a Ri komba leswaku muti wa Siyoni a wu komba mombo wa Yehovha. Namuntlha Israyele wa Xikwembu wa tsaka leswi Yehovha a n’wi amukelaka hi ndlela leyi, naswona tinyimpfu tin’wana na tona ti tsaka na yena.