17, 18. (a) Hi swihi swileriso leswi Yehovha a nga ta swi nyika vanhu vakwe loko Gogo a va hlasela? (b) Hi fanele hi endla yini loko hi lava leswaku Yehovha a hi sirhelela?

¹⁷ Loko Gogo a sungula ku hlasela, Yehovha u ta byela malandza yakwe a ku: “Fambani, vanhu va mina, nghenani emakamareni ya n’wina ya le mpfungwe, mi pfala tinyangwa ta n’wina. Tifihleni nkarhinyana kukondza vuavanyisi byi hundza.” (Esa. 26:20) Hi nkarhi wolowo, Yehovha u ta hi byela leswi hi faneleke hi swi endla leswaku hi pona naswona ‘makamara ya le mpfungwe’ ku nga ha va ku ri mavandlha ya hina.

¹⁸ Loko hi lava leswaku Yehovha a hi sirhelela hi nkarhi wa nhlomulo lowukulu, hi fanele hi pfumela leswaku Yehovha u ni vanhu laha misaveni, lava hleriweke tanihi mavandlha. Hi fanele hi ya emahlweni hi tirhisana na vona hi tlhela hi hlanganyela emavandlheni ya hina nkarhi na nkarhi. Ku fana ni mupisalema, onge hi nga vula hi timbilu ta hina hinkwato hi ku: “Ku ponisa i ka Yehovha. Nkateko wa wena wu le henhla ka vanhu va wena.”—Ps. 3:8.