12. (a) I yini leswi Hosiya a swi katsakanyaka eka ndzima ya vu-13? (b) I ku pfuxetiwa kwihi loku ku tshembisiwaka?

¹² Eka ndzima ya vu-13, Hosiya u katsakanya hinkwaswo leswi endlekeke a nga si yisa nyingiso eka xitshembiso xo sungula xa Israyele ni nkhathalelo wa musa wa Yehova, kun’we ni ku rivala ka Israyele naswona eku heteleleni tiko ri xandzukela Yehova. Yehova u ri: “Ndzi ku nyikile hosi evukarhini bya mina, kutani ndzi ta yi susa eku kariheni ka mina.” (13:11) Kambe, endzhaku, ku ta va ni ku pfuxetiwa: “Ndzi ta va kutsula exivandleni xa vafi, ndzi va lamulela eku feni. Wena, rifu, ndzhombo wa wena wu kwihi? Wena, sirha, ku hlula ka wena ku kwihi?” (13:14) Hambi swi ri tano, ku lovisiwa ka Samariya leri xandzukaka entiyisweni ku ta va loku chavisaka hakunene.

15. Vatsari va Matsalwa ya Vukriste ya Xigriki va tirhisa mintshaho ya buku ya Hosea hi ndlela yihi?

¹⁵ Tinhlamuselo evuprofeteni bya Hosiya hi vatsari va Matsalwa ya Vukriste ya Xigriki na tona ta pfuna swinene ku xiyiwa hi hina namuntlha. Hi xikombiso, Pawulo u endla ku tirhisa ka matimba ka Hosea 13:14 loko a vulavula hi ku pfuxiwa ka vafi a ku: “Wena rifu, ku hlula ka wena ku kwihi ke? Wena rifu, ndzhombo wa wena wu kwihi ke?” (1 Vakor. 15:55) Loko a kandziyisa musa lowu nga fanelangiki wa Yehova hi laha wu kombisiweke ha kona eka swibya swa musa, Pawulo u tshaha Hosea 1:10 na 2:23 a ku: “Xi vurise sweswo ebukwini ya Hosiya, loko xi te: ‘Lava a va nga ri vanhu va mina, ndzi ta va vula vanhu va mina; ni wansati loyi a a nga rhandziwi, ndzi ta n’wi vula murhandziwa. Kutani [lava] va nga tivisiwa leswaku: ‘A mi vanhu va mina’, kona kwalaho va ta vuriwa vana va Xikwembu lexi hanyaka.’” (Varhoma 9:25, 26) Petro u katsakanya tindzima leti fanaka leti humaka eka Hosea hi ku: “Khale a mi nga ri vanhu, kambe sweswi mi vanhu va Xikwembu; khale a mi nga tsetseleriwi, kambe sweswi mi kumile ku tsetseleriwa.”—1 Pet. 2:10.