14-16. Hi ku ya hi Habakuku 3:14, 15, ku ta endleka yini hi vanhu va Yehovha ni hi valala va vona?

¹⁴ EArmagedoni, lava va ringetaka ku lovisa “mutotiwa” wa Yehovha va ta dungeka. Hi ku ya hi Habakuku 3:14, 15, muprofeta u vulavula na Xikwembu, a ku: “Hi tinhonga ta yena u tlhave nhloko ya valwi vakwe va nyimpi loko va famba hi vukarhi leswaku va ndzi hangalasa. Ntsako wa vona lowukulu a wu fana ni wa lava va tiyimiseleke ku lovisa loyi a xanisekaka evutumbelweni. U pyanye lwandle hi tihanci ta wena, nhulu leyikulu ya mati.”

¹⁶ Kambe leswikulu swi ta va swa ha ta. Yehovha u ta tirhisa mavandla ya moya leswaku ma dlayelela ku lovisiwa ka valala va yena. Hi ku tirhisa “tihanci” ta masocha yakwe ya le tilweni lama rhangeriweke hi Yesu Kreste, u ta ya emahlweni a hlula “lwandle” ni “nhulu ya mati yo tala,” ku nga vunyingi lebyikulu bya valala. (Nhlavutelo 19:11-21) Kutani lavo homboloka va ta susiwa emisaveni. Xexo xi ta va xikombiso lexikulu swonghasi xa matimba ni vululami bya Xikwembu!