“Un’wana ni un’wana la tshamelaka ku languta wansati lerova a n’wi navela, ana se u endle vuoswi na yena embilwini yakwe.”—Matewu 5:28.

Hi xikombiso, Bibele yi lemukisa leswaku loko wanuna loyi a tekeke a ‘tshamela ku languta wansati’ loyi a nga riki nsati wa yena naswona a navela ku etlela na yena, swi nga n’wi susumetela ku endla vuoswi. Yinhla leyi nga eka ndzimana leyi ya tirha eka munhu un’wana ni un’wana loyi a “tshamelaka ku languta” swifaniso sweswo hi xikongomelo xo lava ku endla vuoswi, ku nga khathariseki leswaku u nghenele vukati kumbe a nga byi nghenelanga. Swi le rivaleni leswaku mukhuva wo tano a wu amukeleki eka Xikwembu.