• “Hambiloko A File, Wa Vulavula”
    Xihondzo xo Rindza—2013 | January 1

    • Avele u velekiwe endzhakunyana ka loko vanhu vo sungula va vumbiwile. Hi ku famba ka nkarhi, Yesu u vulavule hi Avele tanihi loyi a hanyeke “mpfhuka misava yi va kona.” (Luka 11:50, 51) Swi le rivaleni leswaku Yesu a vula misava ya vanhu lava nga ni ntshembo wo rivaleriwa xidyoho. Leswi Avele a ri munhu wa vumune ku va kona, swi vonaka onge a ku ri yena munhu wo sungula ku va Xikwembu xi vona a fanelekela ku rivaleriwa xidyoho.a A swi kanakanisi leswaku Avele u kulele exikarhi ka vanhu lava nga riki swikombiso leswinene.

  • “Hambiloko A File, Wa Vulavula”
    Xihondzo xo Rindza—2013 | January 1

    • a Xiga lexi nge “mpfhuka misava yi va kona” xi fambisana ni mhaka ya leswaku ku ta va ni mbewu, leswi kombisaka leswaku vanhu va fanele va va ni vana, kutani xi kombetela eka vatukulu va vanhu lava vumbiweke ku sungula. Kambe ha yini Yesu a vulavule hi Avele tanihi loyi a hanyeke “mpfhuka misava yi va kona,” ku nga ri Kayini loyi a ri munhu wo sungula ku velekiwa? Swiboho ni swiendlo swa Kayini a swi kombisa leswaku u xandzukela Yehovha Xikwembu hi vomu. Ku fana ni vatswari vakwe, swi tikomba Kayini a a nga ri na ntshembo wa ku pfuxiwa ni ku rivaleriwa swidyoho.