-
Ku chumayela “mahungu lamanene hi Yesu”“Komba Vumbhoni Lebyi Heleleke” Hi Mfumo Wa Xikwembu
-
-
“Lava A Va Hangalakile” (Mitirho 8:4-8)
3. (a) I mani Filipi? (b) Ha yini muti wa Samariya a wu nga chumayeriwanga kambe Yesu u vule leswaku a ku ta endleka yini hi wona?
3 Un’wana wa “lava a va hangalakile” a ku ri Filipi.a (Mit. 8:4; vona bokisi leri nge “Filipi “Muchumayeri Wa Mahungu Lamanene.’”) U ye eSamariya, ku nga muti lowu ntirho wo chumayela a wu nga si sunguriwa eka wona hikuva Yesu u tshama a lerisa vaapostola a ku: “Mi nga ngheni emitini ya Vasamariya; kambe yanani eka tinyimpfu ta yindlu ya Israyele leti lahlekeke.” (Mat. 10:5, 6) Hambiswiritano, Yesu a a swi tiva leswaku hi ku famba ka nkarhi muti wa Samariya wu ta chumayeriwa hi rixaladza, hikuva loko a nga si tlhandlukela etilweni, u te: “Mi ta va timbhoni ta mina eYerusalema, etikweni hinkwaro ra Yudiya ni le Samariya ni ku ya fika emakumu ka misava.”—Mit. 1:8.
-
-
Ku chumayela “mahungu lamanene hi Yesu”“Komba Vumbhoni Lebyi Heleleke” Hi Mfumo Wa Xikwembu
-
-
a Loyi a hi muapostola Filipi. Kambe i Filipi loyi ku vulavuriwaka ha yena eka Ndzima 5 ya buku leyi, loyi a a ri un’wana wa “vavanuna va nkombo lava tshembekaka,” loyi a a hlawuriwe ku phakela swakudya swa siku ni siku eka tinoni leti nga Vakreste, leti a ti vulavula Xigriki ni Xiheveru eYerusalema.—Mit. 6:1-6.
-