16, 17. (a) I yini leswi nga ta va swi hetisisiwile loko ‘nhlomulo lowukulu’ wu nga si hela? (b) I yini leswi hi nga ta swi kambisisa exihlokweni lexi landzelaka?

¹⁶ Nkarhi wu nga ha fika laha rungula leri hi ri twarisaka ri nga ta fana ni “hungwe ra nyimpi.” Ebukwini ya Nhlavutelo, marungula ya vuavanyisi bya matimba ma fanisiwa ni “xihangu lexikulu lexi ribye rin’wana ni rin’wana ra xona ri nga ni ntiko wa kwalomu ka talenta.”b Naswona Nhlavutelo 16:21 yi ri: “Khombo ra xona a ri ri rikulu hi ndlela leyi nga tolovelekangiki.” A hi swi tivi leswaku ntirho lowu wo chumayela hi yindlu ni yindlu wu ta ri twarisa njhani rungula ra vuavanyisi byo hetelela. Kambe hi nga tiyiseka leswaku ku nga si hela ‘nhlomulo lowukulu,’ vito ra Yehovha ri ta va ri tivisiwe vanhu hi ndlela leyi hlamarisaka ematin’wini.—Nhlav. 7:14; Ezek. 38:23.