Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • Vayuda
    Ku Hlamulana Hi Matsalwa
    • 14:1-3 yi kombisaka leswaku u ta fuma na Kreste eMfun’weni wakwe wa le tilweni.)

      Hev. 12:22: “Mi tshinelele ntshava ya Siyoni ni muti wa Xikwembu lexi hanyaka, Yerusalema wa le tilweni, ni le ka tintsumi leti nga hlayekiki hi ku tala.” (Xisweswo Vakreste va ntiyiso a va languti eka Yerusalema wa laha misaveni kambe va languta “Yerusalema wa le tilweni” leswaku switshembiso swa Xikwembu swi hetiseka eka yena.)

  • Vubihi
    Ku Hlamulana Hi Matsalwa
    • Vubihi

      Nhlamuselo: I swilo leswi biheke ngopfu hi tlhelo ra mahanyelo. Hakanyingi swi vula leswi nga ni nkucetelo lowu hlakataka, wa rivengo, kumbe lowu onhaka.

      Ha yini ku ri na vubihi byo tarisa xileswi?

      Xikwembu a xi fanelanga ku voniwa nandzu. Xi endlele vanhu masungulo lama hetisekeke, kambe vanhu va hlawule ku honisa swilaveko swa Xikwembu ivi va tiendlela xiboho hi voxe mayelana ni leswi nga swinene ni leswo biha. (Det. 32:4, 5; Ekl. 7:29; Gen. 3:5, 6) Hi ku endla leswi, va ve ehansi ka nkucetelo wa matimba yo biha yo tlula ya munhu.—Ef. 6:11, 12.

      1 Yoh. 5:19: “Misava hinkwayo yi le hansi ka matimba ya Lowo biha.”

      Nhlav. 12:7-12: “Kutani ku pfuka nyimpi etilweni, . . . dragona yi lwa yi ri ni tintsumi ta yona. Kambe dragona yi hluriwa, yi nga ha pfumeleriwi ku tshama etilweni, yona ni tintsumi ta yona. Hiloko dragona leyikulu leyi yi cukumetiwa yi ya wela hansi, yona nyoka ya khale leyi vuriwaka Diyavulosi kumbe Sathana, Mukanganyisi wa misava hinkwayo; yi cukumetiwa yi ya wela ehansi emisaveni, tintsumi ta yona na tona ti cukumetiwa kun’we na yona. . . . ‘Hikokwalaho, tsakani n’wina matilo, na n’wina lava akeke eka wona; kambe mi ni khombo, n’wina misava ni lwandle, hikuva Diyavulosi ú xikele ka n’wina; ú karihile ngopfu hi ku tiva leswaku nkarhi wa yena wu komile.’” (Khombo leri leri engetelekeke ra misava ri humelele ku sukela loko Sathana a cukumetiwile etilweni endzhaku ka ku tswariwa ka Mfumo. Vona ndzimana 10.)

      2 Tim. 3:1-5: “Tiva leswaku emasikwini ya makumu, ku ta fika minkarhi yo nonon’hwa. Hikuva vanhu va ta va lava tirhandzaka, va ta va lava rhandzaka mali ngopfu, ni ku tikurisa, ni ku titiva, ni ku rhukana va ta va lava nga yingisiki vatswari va vona, lava nga riki na ku nkhensa, lava nga khongeriki; va ta va vanhu va tihanyi, lava nga riki na ku tsetselela, valumbeti, lava nga tikotiki, lavo leva, lava vengaka leswo lulama, va ta va timbabva, vanhu va futa, lava nga ni manyunyu, lava rhandzaka ku tiphina ku tlula ku rhandza Xikwembu. Va ta tiendla wonge hi loko va ri ni vukhongeri, kambe va ta ala matimba ya byona.” (Leyi i mihandzu ya ku gwineha evugandzerini bya ntiyiso leyi heteke madzana ya malembe. Swiyimo leswi swi vangiwe hikwalaho ka leswi vanhu lava tivulaka leswaku va ni vukhongeri va honiseke leswi Rito ra Xikwembu ri swi vulaka hakunene. Va endle leswi hambaneke ni nkucetelo lowunene lowu nga tisiwaka evuton’wini bya munhu hi ku tinyiketela ka ntiyiso eka Xikwembu.)

      Ha yini Xikwembu xi byi pfumelela?

      Minkarhi yin’wana eka hina swi nga ha vonaka onge nchumu wo antswa swinene ku nga va ku herisa xikan’we-kan’we mani na mani la hombolokeke. Hi navela leswaku vubihi byi herisiwa, kambe ha ha lo byi vona malembe ma nga ri mangani ntsena loko ku pimanisiwa ni nkarhi lowu vubihi byi sunguleke ha wona. Xana Yehovha Xikwembu u titwisa ku yini? Hi madzana ya malembe vanhu va n’wi veke nandzu, ni ku n’wi rhukana, hikwalaho ka swiyimo swo biha leswi va langutaneke na swona. Kambe leswi a swi vangiwi hi yena kambe hi Sathana ni vanhu lavo biha. Yehovha u ni matimba yo herisa lavo biha. Kunene ku fanele ku ri ni swivangelo leswi twalaka leswi endlaka leswaku a nga teki goza hi ku hatlisa. Loko ndlela ya Yehovha yo lulamisa xiyimo yi hambanile ni leswi hi swi anakanyaka, xana sweswo swi fanele ku hi hlamarisa? Ntokoto wa yena i wukulu ngopfu ku tlula wa munhu, naswona xiyimo u xi languta hi langutelo leri anameke ngopfu ku tlula ra munhu wihi na wihi.—Ringanisa Esaya 55:8, 9; Ezekiyele 33:17.

      Vubihi a byi ta va byi nga ri kona loko Xikwembu a xi nga nyikanga vanhu mfanelo ya ku tihlawulela. Kambe Xikwembu xi hi nyike vuswikoti byo hlawula ku xi yingisa hikwalaho ka ku xi rhandza kumbe ku ka hi nga xi yingisi. (Det. 30:19, 20; Yox. 24:15) Xana hi navela onge loko a swi nga ri tano? Loko hi ri vatswari, xana i yini lexi hi tsakisaka—loko vana va hina va hi yingisa hikwalaho ka leswi va hi rhandzaka kumbe loko hina hi va sindzisa ku endla tano? Xana Xikwembu a xi fanele xi sindzise Adamu leswaku a yingisa? Xana a swi ta hi tsakisa ku hanya emisaveni leyi hi sindzisiwaka ku yingisa Xikwembu? Loko xi nga si herisa mafambiselo lawa yo biha, Xikwembu xi nyike vanhu nkarhi wa ku kombisa leswaku xana hakunene va lava ku hanya hi ku twanana ni milawu ya xona leyinene kumbe e-e. Hi nkarhi wa xona lowu vekiweke, xi ta herisa lavo biha xi nga tsandzi ha nchumu.—2 Tes. 1:9, 10.

      Hi vutlharhi xi pfumelela nkarhi wa ku tlhantlha mimphikamakaneta ya nkoka: (1) Ku lulama ni ku faneleka ka vulawuri bya Yehovha swi tlhontlhiwile aEdeni. (Gen. 2:16, 17; 3:1-5) (2) Vutshembeki bya malandza ya Xikwembu hinkwawo etilweni ni le misaveni byi soriwile. (Yobo 1:6-11; 2:1-5; Lk. 22:31) Xikwembu a xi ta va xi herise vaxandzuki lavaya (Sathana, Adamu, na Evha) xikan’we-kan’we, kambe sweswo a swi nga ta ololoxa timhaka. Matimba a ma kombisi leswaku leswi munhu a swi endlaka i swinene. Mimphikamakaneta leyi tlakusiweke a yi fambisana ni mahanyelo. Leswi Xikwembu xi nga pfumelela nkarhi wu hundza, a swi nga tiyisekisi mhaka yo karhi eka xona n’wini, kambe swi endleriwe ku nyika swivumbiwa hinkwaswo leswi nga ni mfanelo yo tihlawulela leswaku hi swoxe swi tivonela mihandzu leyo biha leyi vangiweke hi ku xandzukela vuhosi bya xona, nakambe xi swi nyika nkarhi wa ku kombisa laha swona hi swoxe swi yimaka kona eka mimphikamakaneta leyi ya nkoka. Loko mimphikamakaneta leyi yi tlhantlhiwile, a ku nge he vi na munhu la nga ta pfumeleriwa ku kavanyeta ku rhula. Nhleleko lowunene, ntwanano, vuhlayiseki bya vuako hinkwabyo byi titshege hi ku kwetsimisa vito ra Yehovha, ku n’wi fundzha hi mbilu hinkwayo ka swivumbiwa hinkwaswo leswi tlhariheke. (Nakambe vona matluka 238-40, ehansi ka nhloko-mhaka leyi nge “Sathana Diyavulosi.”)

      Xikombiso: Loko munhu a ku hehla exikarhi ka vanhu hi leswaku u tirhisa xikhundlha xa wena tanihi nhloko ya ndyangu hi ndlela yo biha, leswaku vana va wena va nga tihanyela ku antswa loko a va tiendlela swiboho hi voxe va nga lawuriwi hi wena, ni leswaku hinkwavo va ku yingisa hikwalaho ka swilo leswi vonakaka leswi u va nyikaka swona, ku nga ri hikwalaho ka rirhandzu, xana ndlela yo antswa yo tlhantlha mhaka yi nga va yihi? Xana ku duvula muhehli loyi wa mavunwa swi ta susa swihehlo emianakanyweni ya vanhu? Ematshan’wini ya sweswo, kunene u nga nyikela nhlamulo leyinene loko wo nyika vana va wena nkarhi wa ku va timbhoni ta wena hi ku komba leswaku u nhloko ya ndyangu leyi lulameke ni ya rirhandzu ni leswaku va tshama na wena hikwalaho ka leswi va ku rhandzaka! Loko van’wana va vana va wena va tshembe nala wa wena, va rhurha ekaya, ivi va onha vutomi bya vona hi ku tekelela mahanyelo man’wana, swi ta endla vahlaleri va timbilu letinene va swi xiya leswaku vana a va ta va va hanye ku antswa loko a va lo landzela nkongomiso wa wena.

      Xana hi ndlela yo karhi hina hi vuyeriwile hikwalaho ka leswi Xikwembu xi nga pfumelela vubihi ku fikela sweswi?

      2 Pet. 3:9: “Hosi a yi hlweli ku endla leswi yi nga tshembisa swona, hilaha van’wana va twisisaka ‘ku hlwela’ hakona, kambe yi lehisa mbilu hikwalaho ka n’wina; a yi lavi leswaku ni un’we wa n’wina a lova, kambe yi lava leswaku hinkwavo va ta eku hundzukeni.” (Hikwalaho ka leswi ku lehisa mbilu ka xona ku kaleke ku fika ni le sikwini ra hina, hi ni nkarhi wo kombisa leswaku hi hundzukile ivi xisweswo, ematshan’wini yo tiendlela swiboho mayelana ni leswinene ni leswo biha, hi lava ku titsongahatela vulawuri bya Yehovha lebyo lulama.)

      Rhom. 9:14-24: “Loko swi ri tano, xana hi ta ku yini? Xana Xikwembu xi tirha hi ku homboloka xana? Niswitsanana! . . . Kambe, ku yini ka swona ke, loko Xikwembu lexi a xi navela ku komba vukari bya xona ni ku endla leswaku ntamu wa xona wu tiviwa, xi vile ni mbilu leyo leha ngopfu, xi lehisela swibya leswi a swi vumberiwile ku kariheriwa ni ku fayeteriwa [hi leswaku, xi lehisele vanhu lavo homboloka mbilu leswaku va hanya nkarhinyana], xana? Kumbe, ku yini ka swona ke, loko xi endlele ku tivisa vukulu bya ku kwetsima ka xona, ehenhla ka swibya leswi a swi vumberiwile ku tsetseleriwa, swi nga swibya leswi xi swi lunghiseke ka ha ri ku sunguleni leswaku swi ta nyikiwa ku kwetsima ka xona xana [hi leswaku xi ta lehisa nkarhi leswaku xi tsetselela van’wana, hi ku fambisana ni xikongomelo xa xona]? Swibya leswi, hi hina lava xi hi vitaneke, hina hi humaka ku nga ri exikarhi ka Vayuda ntsena, kambe ni le xikarhi ka vamatiko.” (Xisweswo Xikwembu xi hlwerise ku herisiwa ka lavo biha leswaku xi kuma nkarhi wo hlawula vanhu lava xi nga ta va kwetsimisa swin’we na Kreste tanihi swirho swa Mfumo wa le tilweni. Xana leswi Xikwembu xi swi endleke i tihanyi eka van’wana? Niswitsanana; i xiphemu xa lunghiselelo ra Yehovha ra ku katekisa vanhu va tinxaka hinkwato lava nga ta katekisiwa hi lunghelo ro hanya hi laha ku nga heriki eparadeyisini emisaveni. Ringanisa Pisalema 37:10, 11.)

      Loko Munhu A Ku—

      ‘Ha yini Xikwembu xi pfumelele vubihi byonghasi?’

      U nga ha hlamula u ku: ‘Xivutiso xa wena i xinene. Malandza yo tala ya Xikwembu layo tshembeka ma karhatiwe hi vubihi lebyi va rhendzeleke. (Hab. 1:3, 13)’ Kutani u nga engetela u ku: (1) ‘Leswi a swi vangiwi hi ku va Xikwembu xi honisa swilo swo karhi. Xi hi tiyisekisa leswaku xi ni nkarhi lowu xi wu vekeke lowu xi nga ta tirihisela ha wona eka lavo biha. (Hab. 2:3)’ (2) ‘Kambe i yini lexi hina hi faneleke hi xi endla leswaku hi ta va van’wana va vaponi loko nkarhi wolowo wu fika? (Hab. 2:4b; Sof. 2:3)’

      Kumbexana u nga ha ku: ‘Ndza tsaka leswi u vutiseke xivutiso xexo. I xivutiso lexi karhataka vanhu vo tala va timbilu letinene. Ndzi ni rungula leri pfunaka swinene laha leri nga ta hlamula xivutiso xa wena. (Kutani mi hlaya swin’we rungula rin’wana leri nga eka matluka 324-6.)’

      ‘Leswi se ku hundzeke malembe lawa hinkwawo, a ndzi tshembi leswaku ka ha ri ni leswi Xikwembu xi nga ta swi endla leswaku xi hundzula swiyimo leswi’

      U nga ha hlamula u ku: ‘Ndza tsaka ku twa leswaku wa pfumela eka Xikwembu. I ntiyiso leswaku ku ni vubihi byo tala, naswona byi sungule khale hi nga si va kona. Kambe xana u tshame u xiya leswi . . . ? (Tirhisa tinhla leti nga endzimaneni yo sungula eka tlula 324, mayelana ni mpimo wa nkarhi lowu Xikwembu xi lehiseke mbilu ha wona.)’

      Kumbexana u nga ha ku: ‘Ndza tshemba leswaku u ta pfumelelana na mina loko ndzi ku munhu loyi a kotaka ku aka yindlu entiyisweni u kota ni ku yi basisa. . . . Tanihi leswi Xikwembu xi vumbeke misava, a swi nge nonon’hwi leswaku xi yi basisa. Ha yini xi hete nkarhi wo leha swonghasi? Ndzi vona nhlamulo leyi yi enerisa swinene. Ndzi byele leswaku wena u anakanya yini. (Kutani mi hlaya swin’we rungula leri nga ematlukeni 324-6.)’

  • Vugwinehi
    Ku Hlamulana Hi Matsalwa
    • Vugwinehi

      Nhlamuselo: Vugwinehi i ku tshika kumbe ku fularhela vugandzeri ni ku tirhela Xikwembu, ngopfu-ngopfu ku xandzukela Yehovha Xikwembu. Vagwinehi van’wana va vula leswaku va xi tiva Xikwembu ni leswaku va xi tirhela kambe va ala tidyondzo kumbe swilaveko leswi andlariweke eRitweni ra xona. Van’wana va ri va yi tshemba Bibele kambe va ala nhlengeletano ya Yehovha.

Minkandziyiso Ya Xitsonga (1987-2025)
Huma
Nghena
  • Xitsonga
  • Rhumela
  • Leswi u swi tsakelaka
  • Copyright © 2025 Watch Tower Bible and Tract Society of Pennsylvania
  • Swipimelo Swo Tirhisa Website Leyi
  • Milawu Yo Sirhelela Rungula Ra Xihundla
  • Seta Swa Xihundla
  • JW.ORG
  • Nghena
Rhumela