Risimu 52

Vito Ra Tata Wa Hina

(Matewu 6:9)

1. Tata wa hina Yehovha,

Onge u nga kwetsima.

Kungu raku ri endleka

U nga ha kanetiwi.

Sweswinyana u ta hlula,

Enyimpini ya wena.

Kwetsimisa vito raku;

Vanhu va ri xixima.

(Khorasi)

2. Sweswi hi lava tindlela

Ta ku ku kwetsimisa.

Hi xivindzi hi tivisa

Ta makungu ya wena.

Hi ku va ni ripfumelo

Hi ta komba xichavo

Hi ta va lavo tshembeka,

Hi nga ku onhi vito.

(Khorasi)

3. Hosi ya hina Yehovha

U le Henhla swinene.

Ku dzunisa vito raku

I swa nkoka swinene.

Hi tlakusa rona ntsena;

Hi ta komba leswaku

U Xikwembu xa makungu

Wa ha ta dzunisiwa.

(KHORASI)

Hosi u Muvumbi werhu;

U vumbile swo tala.

Leswi u nga wa makungu,

Swa endleka swa wena.

O Yehovha wa Matimba

Loy’a nga hi ha N’wana,

Ha Yesu a ku endliwe

Ku rhandza ka we ntsena.