Risimu 50

Ku Amukela Rirhandzu Ra Xikwembu

(1 Yohane 4:11)

1. Xikwembu lexikulu; Hi rhandza wena ngopfu

Yehovha, u wa ku khensiwa (wena).

Ha ku khensa Yehovha,

Hi Rito se hi dyondza hinkwaswo hi tindlela taku (Hosi).

U komba ku twelana, U tele ku lulama;

U ni vutlhari ni matimba (matimba).

Hi ku hlayisa mbilu yi tshama yi tengile

U ta hi katekisa wena (Yehovha).

2. I khale u hi rhandza; Hi ku rhumela N’wana,

U endle leswo hi ku rhandza (ngopfu).

Ú tile a kombisa

Rirhandzu ra we Hosi ni ku hlawulekisa wena (ntsena).

A nga kona la nga ni

Rirhandzu ro ringana ni ra Yesu la nga hi fela (hinkwerhu).

Hi lava a hi risa leswaku hi nga lovi;

Kutani hi yingisa yena (hinkwerhu).

3. Misava a yi nge hi Tshikisi ntirho lowu;

Hi ta vula ntiyiso ntsena (hina).

Hi ta komba hinkwavo

Rirhandzu leri hina hi fanelaka ku va komba (rona).

Hi ku tirha hi vun’we,

Rirhandzu ri hi komba Leswaku hi landzela Yesu (swinene).

Hi ta rhangisa Mfumo, ni ku tirhela wona;

Kukondza xi ku ‘Mi xumile’ (hi swona).