2011 Calendar Yi Vulavula Hi Dyondzo Ya Ndyangu

Nhloko-mhaka ya 2011 Calendar of Jehovah’s Witnesses yi vulavula hi Dyondzo ya Ndyangu. Yi kombisa mindyangu ya manguva lawa ni ya le minkarhini ya Bibele. Yi tlhela yi kombisa mimpatswa leyi tekaneke ni malandza ya Yehovha lama nga tekangiki ma ri karhi ma hlaya Rito rakwe.

Vanhu va le Bibeleni lava kombisiweke eka khalendara leyi va tiphina hi ku hlaya Nawu wa Yehovha naswona leswi swi va pfune leswaku va langutana ni swiphiqo leswi a va ri na swona. (Ps. 1:2, 3) Loko hi languta xifaniso xin’wana ni xin’wana lexi nga eka yona hi ta tsundzuka nkoka wa Dyondzo ya Ndyangu, ku nga khathariseki leswaku hi huma endyangwini lowukulu kumbe lowutsongo, hi Timbhoni hinkwerhu kumbe a hi tona. Ku ni ndhawu leyi eka yona mi nga ta tsala siku leri mi ri vekeleke etlhelo tanihi ndyangu leswaku mi khoma Dyondzo ya n’wina ya Ndyangu. Xana se u ri tsarile?