Tshama U Langute Hakelo!

1. Loko se mabofu ma vona

Lava va nga twiki se va twa,

Loko makwandzasi ma hluka

Se ku khuluka ni mati,

Loko se swigono swi tlula,

Vanhu va nga ha loveriwi,

Nkarhi lowu u ta wu vona,

Lok’u languta hakelo.

2. Loko ku dyuhala ku hela,

Timbhe veve ti vulavula,

Loko swo saseka swi andza,

Misava yi ri ni ndzalo,

Loko ku twakala ku tsaka,

Ni ku rhula ku ri hinkwako,

U ta vona vafi va pfuka,

Lok’u languta hakelo.

3. Loko nyimpfu yi dya ni hlolwa,

Loko bere yi dya ni homu,

Xijahana xi ta swi risa,

Swi landza rito ra xona.

Loko vanhu va nga ha rili,

Ni ku chava ku nga ri kona,

U ta vona sweswo hinkwaswo,

Lok’u languta hakelo.