Rifu Ra Yesu Ri Vula Yini Eka Wena?

Yesu u hi ferile leswaku hi kuma vutomi. Yohane 3:16

Endzhaku ka masiku manharhu Yesu a file, vavasati van’wana va ye esirheni kambe va kume ku nga ri na nchumu. Yehovha se a a n’wi pfuxile.

Endzhakunyana, Yesu u humelele eka vaapostola vakwe.

Yehovha u pfuxe Yesu tanihi xivumbiwa xa moya lexi nga ni matimba. Vadyondzisiwa vakwe va n’wi vonile loko a tlhandlukela etilweni.

Xikwembu xi pfuxe Yesu eku feni kutani xi n’wi endla Hosi ya Mfumo wa xona. Daniyele 7:13, 14

Yesu u nyikele hi vutomi byakwe leswaku a kutsula vanhu. (Matewu 20:28) Hi ku tirhisa nkutsulo wolowo, Xikwembu xi endle leswaku hi kota ku hanya hilaha ku nga heriki.

Yehovha u tote Yesu tanihi Hosi leswaku a fuma misava. U ta fuma ni vanhu vo tshembeka va 144 000 lava pfuxeriweke etilweni. Yesu ni lava 144 000 va vumba hulumendhe ya le tilweni, ku nga Mfumo wa Xikwembu.—Nhlavutelo 14:1-3.

Mfumo wa Xikwembu wu ta hundzula misava yi va paradeyisi. Nyimpi, vugevenga, vusweti ni ndlala a swi nge he vi kona. Hakunene vanhu va ta tiphina!—Pisalema 145:16.