• Dyondzisa Ntiyiso
    Xibukwana Xa Nhlengeletano Ya Mahanyelo Ni Ntirho Wo Chumayela—2016 | August

    • MAHANYELO YA VAKRESTE

      Dyondzisa Ntiyiso

      Ku sukela hi September, Xiyimiso Xa Minhlangano Xa Mahanyelo Ni Ntirho xi ta katsa xingheniso lexi nga tirhisiwaka lexi nga ni nhlokomhaka leyi nge “Dyondzisa Ntiyiso.” Xikongomelo xa hina ku ta va ku ri ku kandziyisa ntiyiso wa le Bibeleni hi ku tirhisa xivutiso ni tsalwa.

      Loko hi vona leswaku vanhu va tsakela, hi nga endla leswaku va langutela riendzo ra hina leri landzelaka hi ku va siyela nkandziyiso kumbe ku va komba vhidiyo leyi nga eka jw.org. Hi fanele hi ringeta ku tlhelela eka vanhu hi ku hatlisa leswaku hi ta yisa bulo emahlweni. Swingheniso leswi leswintshwa ni swiavelo swa swichudeni swi ta va swi sekeriwe eka tinhlokomhaka leti nga ebukwini leyi nge I Yini Leswi Bibele Yi Swi Dyondzisaka? Eka bokisi leri katsakanyaka ndzima hi ta kuma matsalwa lama engetelekeke lama nga hi pfunaka leswaku hi endla maendzo yo vuyela kumbe ku fambisa dyondzo hi ku tirhisa Bibele ntsena.

      Ku ni ndlela yin’we leyi yisaka evuton’wini lebyi nga heriki. (Mt 7:13, 14) Tanihi leswi hi chumayelaka vanhu lava humaka eka vukhongeri ni tinxaka to hambanahambana, hi fanele hi endla leswaku un’wana ni un’wana a tsakela ntiyiso lowu nga eBibeleni. (1Tm 2:4) Loko hi ya emahlweni hi vulavula na vona hi timhaka to hambanahambana ta le Bibeleni ni ku antswisa vutshila bya hina byo ri “tamela khwatsi rito ra ntiyiso,” hi ta va ni ntsako naswona hi ta swi kota ku dyondzisa vanhu van’wana ntiyiso.​—2Tm 2:15.

  • Tsima Ro Hlawuleka Ro Fambisa Xihondzo Xo Rindza Hi September
    Xibukwana Xa Nhlengeletano Ya Mahanyelo Ni Ntirho Wo Chumayela—2016 | August

    • MAHANYELO YA VAKRESTE

      Tsima Ro Hlawuleka Ro Fambisa Xihondzo Xo Rindza Hi September

      Xihondzo xo Rindza No. 5 2016 | U Nga Wu Kuma Kwihi Nchavelelo?

      Vanhu emisaveni hinkwayo va lava ku chaveleriwa. (Ekl 4:1) Hi n’hweti ya September, hi ta endla matshalatshala yo hlawuleka yo fambisa Xihondzo xo Rindza, lexi nga ta va ni nhlokomhaka leyi vulavulaka hi nchavelelo. Fambisa magazini lowu hinkwako. Leswi hi tsakelaka ku vulavula na vanhu hi ku kongoma leswaku hi ta va chavelela, a hi nge ti siyi timagazini emakaya lawa ku nga riki na munhu.

      LESWI U NGA SWI VULAKA

      “Minkarhi yin’wana hinkwerhu hi lava nchavelelo. Kambe hi nga wu kuma kwihi? [Hlaya 2 Vakorinto 1:3, 4.] Nkandziyiso lowu wa Xihondzo xo Rindza wu kombisa ndlela leyi Xikwembu xi nga hi chavelelaka ha yona.”

      Loko munhu a tsakela naswona a amukela magazini, . . .

      N’WI KOMBE VHIDIYO LEYI NGE HA YINI U FANELE U DYONDZA BIBELE?

      Kutani kombela ku dyondza na yena Bibele.

      PFULA NDLELA YO ENDLA RIENDZO RO VUYELA

      N’wi vutise xivutiso lexi u nga ta xi hlamula loko u tlhelela xo tanihi lexi nge, “Ha yini Xikwembu xi pfumelela ku xaniseka?”