DYONDZO 7

Tirhisa Rungula Leri Tshembekaka

Luka 1:3

HI KU KOMISA: Loko u endla ndzavisiso, tirhisa rungula leri tshembekaka leri nga ta vuyerisa vayingiseri va wena.

Tirhisa rungula leri tivekaka leswaku ri ni ntiyiso. Leswi u swi vulaka swi seketele hi Rito ra Xikwembu ku nga Bibele naswona u yi hlaya loko swi koteka. Loko u tshaha mahungu, timhaka ta sayense, ntokoto wo karhi, tiyiseka leswaku rungula rero i ntiyiso.
Namarhela mongo wa mhaka. Ndlela leyi u hlamuselaka tsalwa ha yona yi fanele yi fambisana ni leswi Bibele yi swi vulaka, ni leswi nga emikandziyisweni leyi humesiweke hi “hlonga ro tshembeka ni ro tlhariha.” (Mat. 24:45) Loko u tshaha tibuku to karhi, tiyiseka leswaku a wu cinci leswi mutsari a swi vuleke.

Loko ku vulavuriwa hi nhlayo yo karhi ya swilo, u nga yi cinci kumbe u hundzeleta timhaka. Tivonele leswaku laha ku tsariweke leswaku “vanhu van’wana” u nga ku “vanhu vo tala,” loko va te “mikarhi yin’wana” u nga ku “mikarhi hinkwayo.”
Va endle va anakanyisisa. Endzhaku ko hlaya tsalwa kumbe ku tshaha rungula ro karhi, vutisa swivutiso hi vutlhari kumbe u vula xikombiso lexi nga ta pfuna vayingiseri va wena va yi twisisa kahle mhaka leyi u vulavulaka ha yona.