DYONDZO 12

Kombisa Leswaku Wa Khathala

1 Vatesalonika 2:7, 8

HI KU KOMISA: Vulavula hi ndlela leyi kombisaka leswaku wa khathala hi vayingiseri va wena naswona u lava ku va pfuna.

Ehleketa hi vayingiseri va wena. Loko u ri karhi u lunghiselela bulo ra wena ehleketa hi swiphiqo leswi vayingiseri va wena va langutanaka na swona. Ehleketa hi ndlela leyi va titwaka ha yona.
Hlawula marito ya wena hi vukheta. Kuma tindlela to thova, to chavelela ni to tiyisa vayingiseri va wena. Papalata ku vula swilo leswi nga ta va khunguvanyisa naswona u nga vulavuli ku biha hi vanhu lava nga riki Timbhoni ni hi ripfumelo ra vona.
Va kombe leswaku wa va rhandza. Ndlela leyi u vulavulaka ni ku tshukatshukisa miri ha yona yi fanele yi kombisa leswaku wa khathala hakunene hi vayingiseri va wena. Nghohe ya wena a yi fambisane ni leswi u swi vulaka; n’wayitela loko u ri karhi u vulavula.

Loko u hlaya ni loko u kombisa ndlela leyi u titwaka ha yona hi leswi u swi hlayaka, u nga hundzeleti lerova vayingiseri va wena va nga ha swi twi leswi u swi dyondzisaka. Vulavula hi ndlela leyi kombisaka leswaku wa va rhandza vayingiseri va wena naswona wa khathala hi vona.