Ndlela leyi u nga vuyeriwaka ha yona loko u dyondza broxara leyi
Dyondza ni Timbhoni ta Yehovha: Kombela ku dyondza Bibele ni munhu la ku nyikeke broxara leyi kumbe u rhumela xikombelo xa wena eka website ya hina ya jw.org.
XIPHEMU XO SUNGULA
Hlaya pharagrafu yin’wana ni yin’wana ku katsa ni swivutiso leswi dzwihatiweke (A) ni matsalwa (B) lama kandziyisaka tinhla ta nkoka. U ta kuma matsalwa man’wana lama tsariweke ku “hlaya.”
XIPHEMU XA VUMBIRHI
Marito yo sungula (C) ehansi ka nhlokomhaka leyi nge Anakanyisisa ma hlamusela leswi nga ta dyondziwa. Tinhlokomhaka letitsongo (D) ti kandziyisa leswi nga ta tlhuvutsiwa. Hlaya matsalwa, u hlamula swivutiso ni ku tlhela u vona tivhidiyo (E).
Languta swifaniso ni marito lama swi hlamuselaka (F), u tlhela u vona ku u nga swi hlamula njhani leswi van’wana va swi vulaka ehansi ka nhlokomhaka leyi nge Van’wana Va Ri (G).
XIPHEMU XO HETELELA
Nkatsakanyo na Mpfuxeto (H) swi katsakanya dyondzo. Tsala siku leri dyondzo yi hetiweke ha rona. Xiyenge lexi nge Tiyimisele Ku Endla Leswi (I) xi enderiwe leswaku u endla leswi u nga swi dyondza. Xiyenge lexi nge Kuma Leswi Engetelekeke (J) xi ni tinhlokomhaka leti u nga ti hlayaka ni tivhidiyo.
Ndlela yo kuma tivhese ta le Bibeleni
U ta vona matsalwa hi vito ra buku ya Bibele (A), chapta ya kona (B), ni vhese kumbe tivhese (C). Hi xikombiso, Yohane 17:3 swi vula ku i buku ya Yohane, chapta 17, vhes 3.