MAHANYELO YA VAKRESTE
Tiyisa Ripfumelo Ra Wena eRitweni Ra Xikwembu
Rito ra Xikwembu ri nga cinca vutomi bya hina. (Hv 4:12) Hambiswiritano, leswaku hi vuyeriwa eka ndzetelo, nkongomiso ni ndzayo ya yona, hi fanele hi khorwiseka leswaku i “rito ra Xikwembu.” (1Te 2:13) Hi nga ri tiyisa njhani ripfumelo ra hina eBibeleni?
Hlaya xiphemu xa Bibele siku rin’wana ni rin’wana. Loko u ri karhi u hlaya, kambisisa vumbhoni bya leswaku Yehovha i Mutsari wa yona. Hi xikombiso, kambisisa xitsundzuxo lexi nga ebukwini ya Swivuriso kutani u xiya ndlela leyi vutlhari bya yona hi nga byi tirhisaka hayona evuton’wini bya hina namuntlha.—Swiv 13:20; 14:30.
Sungula projeke yo dyondza. Byi tive kahle vumbhoni lebyi kombisaka leswaku Bibele yi huhuteriwile. Eka Nkongomiso Wo Endla Ndzavisiso Wa Timbhoni Ta Yehovha, languta eka nhlokomhaka leyi nge “Bibele” ivi u ya laha yi nge “Yi Huhuteriwe Hi Xikwembu.” U nga tlhela u tiyisa ripfumelo ra wena ra leswaku rungula ra Bibele a ri cincanga, hi ku kambisisa rungula leri nga eka xiengetelo A3 xa Matsalwa Yo Kwetsima Ya Misava Leyintshwa
HLALELA VHIDIYO LEYI NGE, LEXI ENDLAKA HI VA NI RIPFUMELO EKA . . . RITO RA XIKWEMBU KUTANI ENDZHAKU MI HLAMULA SWIVUTISO LESWI LANDZELAKA:
Ku tshuburiwa ka rirhangu ra tempele le Karnak, aEgipta, ku wu tiyisekise njhani ntiyiso wa Rito ra Xikwembu?
Hi swi tiva njhani leswaku rungula ra le Bibeleni a ri cincanga?
Ku ponisiwa ka Bibele ku swi kombise njhani eka wena leswaku i Rito ra Xikwembu?—Hlaya Esaya 40:8