Buku Ya Xikwembu I Ndzalama

1. Buku yi kona, matluka ya yona,

Ma nyika vanhu ntshembo ni ntsako.

Tidyondzo ta yona ta twisiseka;

Yi pfula mahlo ya vo fe mahlo.

Bibele hi yoo buku leya nkoka.

Yi tsariwile hi vavanuna,

Lava rhandzaka Yehovha swinene,

Vona a va huhuteriwile.

2. Va tsale hi mitirho ya Xikwembu,

Xi tumbuluxe swilo hinkwaswo.

Va ri xidyoho a xi nga ri kona

Paradey’si yona yi lo hela.

Va ri a ku ri ni ntsumi yin’wana

Leyi tlhontlheke Mutumbuluxi.

Sweswo swi vange xidyoho ka vanhu,

Xi ta susiwa ku nga ri khale.

3. Sweswi i nkarhi wa ku va hi tsaka.

Yehovha wa fuma hi n’wanakwe.

Hi chumayela mahungu ya Mfumo

Ni mikateko wu taka na yoo.

Bibele yi ni mahungu manene;

I swodya swo kwetsima swinene.

Yi hi dyondzisa ndlela ya ku rhula;

Onge hinkwerhu hi nga yi dyondza.