Xingheniso Xa Rito Ra Xikwembu

Bibele yi tamele rungula kumbe rito ra Xikwembu leri xi ri tirhisaka ku vulavula na hina namuntlha. Ri hi komba ndlela yo hanya vutomi lebyinene ni ku va ni vuxaka lebyinene na xona. Ri tlhela ri hlamula swivutiso leswi landzelaka:

1 Xikwembu i mani?
2 U nga xi tiva njhani Xikwembu?
3 Bibele yi tsariwe hi mani?
4 Xana Bibele ni sayense swa pfumelelana?
5 Hi rihi rungula leri nga eBibeleni?
6 Bibele yi profete yini hi Mesiya?
7 Bibele yi profete yini hi mikarhi ya hina?
8 Xana Xikwembu xi fanele xi soriwa hikwalaho ka leswi vanhu va xanisekaka?
9 Hikwalaho ka yini vanhu va xaniseka?
10 Bibele yi tshembisa vumundzuku bya njhani?
11 Ku endleka yini loko munhu a fa?
12 Hi wihi ntshembo lowu hi nga na wona hi lava feke?
13 Bibele yi ri yini hi ntirho?
14 U nga ri lawula njhani rifuwo ra wena?
15 U nga wu kuma njhani ntsako?
16 U nga endla yini loko u vilela?
17 Bibele yi nga wu pfuna njhani ndyangu wa wena?
18 U nga tshinela njhani eka Xikwembu?
19 Xana tibuku to hambanahambana ta Bibele ti vulavula hi yini?
20 U nga endla yini leswaku u vuyeriwa loko u ri karhi u hlaya Bibele?

NDLELA YO KUMA TINDZIMANA EBIBELENI

Bibele yi vumbiwe hi tibuku letitsongo ta 66. Yi avanyisiwe hi swiyenge swimbirhi: Matsalwa ya Xiheveru ni Xiaramu (“Testamente Ya Khale”) ni Matsalwa ya Xigriki (“Testamente Leyintshwa”). Buku ha yin’we ya Bibele yi avanyisiwe hi tindzima ni tindzimana. Loko matsalwa ma tshahiwa, nomboro yo sungula leyi landzelaka vito ra buku yi kombisa ndzima kasi nomboro kumbe tinomboro leti landzelaka ti vula ndzimana kumbe tindzimana. Hi xikombiso, Genesa 1:1 yi vula Genesa ndzima 1, ndzimana 1.