“Yi Kahle Swinene!”

◼ Yoleyo i ndlela leyi mukongomisi wa ku kambisisa vukati a yi hlamuseleke ha yona buku leyi nge Xihundla Xa Ntsako eNdyangwini. Mpatswa wun’wana lowu hlanganyeleke eka nkambisiso wa kona wu n’wi nyike kopi ya buku leyi kutani wu hlamusela leswaku ku dyondza ka wona buku leyi swi wu pfunile leswaku wu lunghiselela vukati bya wona.

Mukongomisi wa nkambisiso u tsalele mpatswa lowu papila a wu nkhensa hikwalaho ka “nyiko ya kahle swinene” leyi wu n’wi rhumeleke yona. U tlhele a vula leswaku u ni ntshembo wa leswaku mimpatswa yo fana na wona yi nga dyondzisa van’wana “leswi lavekaka leswaku vukati byi tiya nileswaku swilo swi famba kahle.” A a tiyiseka leswaku minkandziyiso yo fana ni buku leyi nge Xihundla Xa Ntsako eNdyangwini yi ta pfuna mpatswa leswaku wu tlhantlha swiphiqo leswi nga ha pfukaka. Mukongomisi u xiye leswaku mpatswa lowu wu ni ripfumelo leri tiyeke naswona wu titshege hi mpfuno wa Xikwembu.

Mukongomisi u hlamusele leswaku u veke buku leyi edesikeni ra yena naswona u yi komba swichudeni swa yena loko swi kombela mpfuno malunghana ni vukati. U gimete hi ku vula a ku: “A ndzi si tshama ndzi vona buku ya muxaka lowu naswona yi kahle swinene!”

Buku leyi nge Xihundla Xa Ntsako eNdyangwini yi pfune mimpatswa ya magidi-gidi emisaveni hinkwayo. Na wena yi nga ku pfuna leswaku u tirhisa misinya ya milawu ya le Bibeleni leyi nga endlaka vutomi bya ndyangu wa wena byi tsakisa.

U nga ha kombela kopi leyi ya matluka ya 192 hi ku tata xiphephana lexi kutani u xi rhumela eka adirese leyi kombisiweke laha kumbe eka leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi rhumela broxara leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.