“A Ndzi Nga Swi Tivi Leswaku Xikwembu Xi Ni Vito”

◼ Wansati un’wana u vule marito lawa endzhaku ka loko a hlaye buku leyi nge Xana Bibele Yi Dyondzisa Yini Hakunene? U te: “Swa twala loko ku vuriwa leswaku Xikwembu xi ni vito. Loko ndzi lava vito ra Xikwembu eBibeleni ya mina, ndzi ri kumile!” U ye emahlweni a ku: “A ndzi si tshama ndzi hlaya buku leyi hlamuselaka Bibele leyi pfunaka swinene yi tlhela yi twisiseka hi ku olova ku fana ni buku leyi!”

Buku leyi nge Leswi Bibele Yi Swi Dyondzisaka yi hlamusela leswaku xikongomelo xa Xikwembu a ku ri leswaku misava yi va paradeyisi yi tlhela yi hlamusela ndlela leyi xikongomelo xexo xi nga ta hetisisiwa ha yona. Buku leyi yi boxa ntirho wa nkoka lowu Yesu Kreste, N’wana Xikwembu a wu endlaka leswaku a hetisisa xikongomelo lexi. Yi nyikela nhlamuselo ya Bibele malunghana ni leswaku ha yini hi dyuhala hi tlhela hi fa, ha yini Xikwembu xi pfumelele ku xaniseka ni leswaku Mfumo wa Xikwembu wu ta ku herisa njhani ku xaniseka hinkwako.

Hambileswi buku leyi nge Leswi Bibele Yi Swi Dyondzisaka yi ngo va ni malembe manharhu ntsena, se ku kandziyisiwe tikopi to tlula 79 wa timiliyoni hi tindzimi ta 220. U nga ha kombela buku ya wena hi ku tata xiphephana lexi kutani u xi rhumela eka adirese leyi kombisiweke laha kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi tisela buku leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.