Vana Va Yi Rhandza Buku Leyi!

◼ Buku leyi nge Dyondza Eka Mudyondzisi Lonkulu yi tsakisa vana hinkwavo. Xinhwanyetana xin’wana xi tsale xi ku: “Buku leyi a yi ri ni swilo swo tala leswi ndzi swi tsakeleke. Hi xikombiso, ndzi tsakele swifaniso hinkwaswo swa yona. Swifaniso swa mivalavala swi koka rinoko ra muhlayi. Loko ndzi hlaya buku leyi, a ndzi tinyika nkarhi wo langutisisa swifaniso hi vukheta ndzi vona leswaku swi fambisana njhani ni mhaka ya kona.

“Nchumu wun’wana lowu ndzi wu tsakeleke ebukwini leyi a ku ri marito lama tirhisiweke. Ma twisiseka hi ku olova naswona ma endla swi tsakisa ku yi hlaya.

“Loko ndzi hlaya buku leyi ndzi tsakisiwe hi ndlela leyi yi tlhuvutsaka ha yona swiphiqo swin’wana leswi nga kona namuntlha ni ndlela leyi hi nga swi papalataka ha yona. Tindzima leti ndzi ti tsakeleke ngopfu hi leti nge, ‘Hi Fanele Hi Lwisana Ni Miringo,’ ‘Dyondzo Leyi Hi Pfunaka Leswaku Hi Va Ni Musa’ ni leyi nge ‘Xana Minkarhi Hinkwayo U Lava Ku Va Wo Sungula?’”

U nga ha tikombelela buku leyi yo xonga leyi nga ni swifaniso leyi ringanaka ni magazini lowu kambe yona yi ni matluka ya 256. Lexi lavekaka wena u ngo tata xiphephana lexi nga laha hansi kutani u xi rhumela eka adirese leyi kombisiweke kumbe eka leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi rhumela buku leyi nge Dyondza Eka Mudyondzisi Lonkulu.

□ Ndzi kombela mi ti hlanganisa na mina malunghana ni dyondzo ya mahala ya le kaya ya Bibele.