Ndlela Yo Va Munghana Wa Xikwembu

◼ Hi swona leswi dyondzisiwaka hi broxara ya matluka ya 32 leyi nge U Nga Va Munghana Wa Xikwembu! Tin’wana ta tidyondzo ta yona leti tsakisaka hi leti, “Xikwembu Xi Lava Leswaku U Va Munghana Wa Xona” ni leyi nge “Xikwembu I Munghana Lonene Ku Tlula Hinkwavo.” Broxara leyi yi tsariwe hi ndlela leyi nga ta pfuna muhlayi leswaku a tiva tidyondzo ta xisekelo ta Bibele.

Edyondzweni ya yona leyi nge “Vanghana Va Xikwembu Va Ta Hanya eParadeyisini,” broxara leyi yi xi hlamusela kahle xikongomelo xa Xikwembu hi misava ya hina. Kambe, leswaku hi nghena eParadeyisini leyi Bibele yi yi tshembisaka, hi fanele hi tiva ndlela leyi Xikwembu xi lavaka hi xi tirhela ha yona. Tidyondzo to kota leyi nge “Ndlela Yo Kuma Vukhongeri Bya Ntiyiso” ni leyi nge “Fularhela Vukhongeri Bya Mavunwa!” ti ta ku pfuna leswaku u va munghana wa Xikwembu ni ku tsakeriwa hi xona. Ha kholwa leswaku u ta vuyeriwa hi ku hlaya broxara leyi.

Leswaku u kombela kopi ya yona, hi kombela u tata xiphephana lexi kutani u xi rhumela eka adirese leyi kombisiweke kumbe eka adirese leyi faneleke eka leti longoloxiweke eka tluka 5 ra magazini lowu.

□ Handle ka ku tiboha, ndzi kombela mi ndzi tisela broxara leyi nge U Nga Va Munghana Wa Xikwembu!

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.