Bibele—Ha Yini U Fanele U Tiva Rungula Ra Yona?

● Bibele i buku leyi hangalasiwaka swinene ngopfu ematin’wini hinkwayo naswona vo tala va yi rhandza. Ku tirhisiwa yona ku endla swihlambanyo etihubyeni ta nawu naswona vatirhela-mfumo va yi khoma loko va tshembisa ku hetisisa vutihlamuleri bya vona loko va vekiwa eswikhundlheni leswi tlakukeke. Vutivi bya Bibele i dyondzo ya risima swinene leyi u nga yi kumaka.

Vo tala va nga pfumela leswaku misava a yi ta va ndhawu yo antswa swinene loko vanhu vo tala a va hlaya Bibele ni ku hanya hi milawu ya yona. Broxara yo saseka ya matluka ya 32 leyi kombisiweke laha leyi nge, Bibele Yi Tamele Rungula Rihi? yi nga ku pfuna leswaku u tiva leswi Bibele yi swi dyondzisaka. Swiphemu swa yona swimbirhi swo sungula swi hlamusela ndlela leyi Muvumbi a lunghiseleleke vanhu paradeyisi ni ndlela leyi yi lahlekeke ha yona. Eka swiphemu leswi landzelaka, ku vulavuriwa hi matimu ya vanhu lava eka vona Xikwembu xi hlawuleke Hosi ya Mfumo wa xona, lowu nga ta vuyetela Paradeyisi laha misaveni.

Swiphemu leswi landzelaka sweswo swi hlamusela hi ta vutomi, masingita, rifu ni ku pfuxiwa ka Hosi leyi vekiweke hi Xikwembu, ku nga Yesu Kreste. Swiphemu leswi landzelaka leswi komeke swi hlamusela ntirho wo chumayela, ku kombisa ripfumelo ehansi ka miringo ni matsalwa lama huhuteriweke ya valandzeri va Yesu va lembe-xidzana ro sungula. U ta khutaziwa hi xiphemu lexi nge “Misava Yi Ta Va Paradeyisi!” swin’we ni tluka ro hetelela leri nga ni swifaniso swa mivalavala leri fambisanaka na xona, leri nga ni nhloko-mhaka leyi nge “Rungula Ra Bibele—Nkatsakanyo.”

Leswaku u tikumela yona, hi kombela u tata xiphephana lexi kutani u xi rhumela eka adirese leyi kombisiweke eka xona kumbe eka leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi rhumelela kopi ya broxara leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.