Swivutiso Swo Pfuxeta Ha Swona eNdyangwini

Xana A Ku Ri Xiboho Lexinene?

Hlaya Tinhlayo 13:1, 2, 25-33; 14:3, 6-12. Sweswi languta xifaniso kutani u tsala tinhlamulo ta wena eka tilayini leti nga laha hansi.

1. Ha yini tinhlorhi to tala ti hlawule ku tisa xiviko xo biha?

․․․․․

2. Yi ve ni vuyelo byihi mhaka leyi hetaka matimba leyi vuriweke hi tinhlorhi ta khume?

LEXI NGA KU PFUNAKA KU KUMA NHLAMULO: Hlaya Tinhlayo 14:26-38.

․․․․․

3. Ha yini Yoxuwa na Kalebe a va tiyiseka leswaku va ta hlula?

․․․․․

MHAKA YO BULA HA YONA:

Loko ndyangu wa ka n’wina wu langutana ni swiphiqo, u nga swi papalata njhani ku fana ni tinhlorhi leti ta khume kambe u fana na Yoxuwa na Kalebe?

I YINI LESWI U SWI TIVAKA HI MUAPOSTOLA PETRO?

4. Hi wahi mavito ya ntlhanu lawa Petro a vitaniwaka ha wona eBibeleni?

LEXI NGA KU PFUNAKA KU KUMA NHLAMULO: Hlaya Matewu 10:2; 16:16; Yohane 1:42; Mintirho 15:14.

․․․․․

5. Xana Petro u tshame a teka nsati?

LEXI NGA KU PFUNAKA KU KUMA NHLAMULO: Hlaya 1 Vakorinto 9:5.

․․․․․

MHAKA YO BULA HA YONA:

Hlamusela xiendlakalo lexi vulavulaka hi Petro lexi u xi rhandzaka. Hi tihi timfanelo leti Petro a ti kombiseke leti u nga rhandzaka ku ti tekelela, naswona u nga swi endlisa ku yini sweswo?

VANA VA LAVA-LAVA SWIFANISO

Xana u nga swi kuma swifaniso leswi enkandziyisweni lowu? Hi marito ya wena, hlamusela leswi humelelaka exifanisweni ha xin’we.

ENKANDZIYISWENI LOWU

Hlamula swivutiso leswi, kutani u tsala (ti-)ndzimana ya Bibele leyi kayivelaka.

TLUKA 7 I marito wahi lawa hi faneleke hi ma vula loko hi vulavula ni warikwerhu? Vaefesa 4:․․․

TLUKA 8 I yini leswi ntiyiso wu nga ta swi endla eka wena? Yohane 8:․․․

TLUKA 11 Ku ta humelela yini hi nala wo hetelela? 1 Vakorinto 15:․․․

TLUKA 24 I yini leswi u faneleke u swi balekela? 1 Vakorinto 6:․․․

● Tinhlamulo ti kumeka eka tluka 13

TINHLAMULO TA SWIVUTISO LESWI NGA EKA TLUKA 31

1. Va chave ngopfu naswona a va pfumala ripfumelo eka Yehovha.—Tinhlayo 14:3, 11.

2. Vavanuna hinkwavo lava nga ni malembe ya 20 ku ya ehenhla va file emananga handle ka Yoxuwa na Kalebe.

3. A va ri ni ripfumelo ra leswaku Yehovha u na vona.—Tinhlayo 14:9.

4. Simoni, Petro, Simoni Petro, Khefasi na Samiyoni.

5. Ina.