Vana Va Nga Swi Kota Ku Tisirhelela

● Marito lawa ma tsariwe hi manana un’wana wa le California, eU.S.A, malunghana ni mhaka leyi hlamuseriweke ebukwini leyi nge Dyondza Eka Mudyondzisi Lonkulu. U ri: “Vhiki leri nga hundza loko n’wana wa hina wa jaha Javan, la nga ni malembe manharhu a vonane ni dokodela wakwe, dokodela u ndzi vutisile loko mina ni nuna wa mina hi n’wi dyondzisa hi swirho swakwe swa rimbewu. A ndzi tsake ngopfu loko ndzi n’wi byela hi buku leyi nge Mudyondzisi, leyi vulaka leswaku swi hoxile ku va munhu un’wana a tlangisa swirho swa rimbewu swa munhu un’wana. Dokodela a tsake ngopfu ku tiva leswaku hi n’wi dyondzisile n’wana wa hina mhaka leyi.”

Manana yoloye u tlhele a ku: “Buku leyi yi yi hlamusela kahle mhaka leyi ya nkoka.” Ndzima leyi a vulavula ha yona yi ni nhloko-mhaka leyi nge “Ndlela Leyi Yesu A Sirheleriweke Ha Yona.” Yi hlamusela ndlela leyi Tata wa Yesu wa le tilweni a n’wi sirheleleke ha yona N’wana wakwe leswaku a nga vavisiwi hi Hosi yo homboloka Heroda, hi nkarhi lowu Yesu a ha ri ntsongo lerova a nga kota ku tisirhelela. (Matewu 2:7-23) Buku leyi yi kombisa leswaku hambi ku ri vana va nga dyondzisiwa ku tisirhelela loko munhu un’wana a ringeta ku tlangisa swirho swa vona swa rimbewu.

Loko u lava kopi ya buku leyi kombisiweke laha, leyi nga ni matluka ya 256, lama mpimo wa wona wu ringanaka ni wa magazini lowu, hi kombela u tata xiphephana lexi kutani u xi rhumela eka adirese leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi rhumela kopi ya buku leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.