Kokwa Wakwe Wa Xinuna A A Ha Ku Fa

● Wanuna un’wana u tsalele rhavi ra Timbhoni ta Yehovha ra le Mexico a ku: “A ndzi Mbhoni ya Yehovha kambe ndza titsakela timagazini ta n’wina.” Yin’wana ya tona yi vulavule hi broxara leyi nge Loko U Feriwa Hi Loyi U N’wi Rhandzaka. Broxara yoleyo yi koke nyingiso wa mina. Leswi swi vangiwe hileswi kokwa wa mina wa xinuna a a ha ku fa. Ndzi kombela mi ndzi rhumelela tibroxara ta nhungu leswaku ndzi ta tinyika swirho swa ndyangu wa mina leswaku na swona swi ta chaveleleka.”

Broxara leyi yi ni tinhlamulo ta swivutiso leswi nge: Xana ndzi nga langutana njhani ni gome ra mina? Xana hi wihi ntshembo wa lava feke? Yi nyikela nhlamuselo ya Bibele ya leswaku rifu i yini ni leswi Bibele yi swi vulaka hi xiyimo xa vafi. Nakambe yi hlamusela xitshembiso xa Xikwembu xa ku pfuxiwa ka vafi leswaku va ta hanya emisaveni leyi basisiweke ya paradeyisi, lexi xi nga ta xi hetisisa hi ku tirhisa Yesu Kreste.

U nga ha kombela kopi ya wena hi ku tata xiphephana lexi kutani u xi rhumela eka adirese leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi rhumelela broxara leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.