Va Tlangela Rirhandzu Ra Xikwembu

● Yesu u hi dyondzise ku tlangela rirhandzu ra Xikwembu. U te: “Xikwembu xi rhandze misava swinene xi kala xi nyikela hi N’wana [Yesu] wa xona la tswariweke a ri swakwe, leswaku un’wana ni un’wana loyi a kombisaka ripfumelo eka yena a nga lovisiwi kambe a va ni vutomi lebyi nga heriki.” (Yohane 3:16) Ndlela leyi Xikwembu xi hi rhandzaka ha yona ni ntshembo wo tsakisa lowu xi hi nyikeke wona hi ku nyikela hi N’wana wa xona swi tlhuvutsiwa khwatsi ebukwini leyi nge Tshinela Eka Yehovha.

Wansati wa le U.S.A., eFlorida u tsarile: “Endzhaku ko hlaya ndzima 5, ndzi hlamarisiwe hi rirhandzu ra Yehovha, vutlhari byakwe ni matimba yakwe lamakulu. Loko ndzi anakanyisisa hi swilo leswi a swi tumbuluxeke, mbilu ya mina yi ye yi khapa-khapa hi rirhandzu leri ndzi nga na rona eka yena.” Wansati un’wana wa le U.S.A., eDakota Dzonga u te: “Eka malembe yo tlula 30 lama hundzeke, a swi ndzi tikela swinene ku komba van’wana rirhandzu (kumbe ku titwa ndzi rhandziwa). Ku hava buku leyi ndzi pfunaka ku fana ni leyi.”

Buku leyi nge Tshinela Eka Yehovha, leyi nga ni matluka ya 320 yi hlamusela timfanelo ta Xikwembu letikulu ku nga matimba, vululami, vutlhari ni rirhandzu. U nga ha kombela kopi ya wena hi ku tata xiphephana lexi nga laha hansi kutani u xi rhumela eka adirese leyi faneleke eka leti longoloxiweke eka tluka 5 ra magazini lowu.

□ Ndzi kombela mi ndzi rhumelela buku leyi kombisiweke laha.

□ Ndzi kombela mi tihlanganisa na mina malunghana ni dyondzo ya mahala ya le kaya ya Bibele.