Swiga Swa Nkoka Leswi Nga Ebukwini Ya Ezekiyele

“N’wana Wa Munhu”

XI HUMELELA MIKARHI YO TLULA 90

Ezekiyele u vuriwa “n’wana wa munhu” mikarhi yo tlula 90. (Ezek. 2:1) Yehovha a a n’wi tsundzuxa leswaku hambileswi a kumeke malunghelo lamakulu, i munhu wa nyama. Eka marungula ya Evhangeli, Yesu u vuriwa “N’wana wa munhu” mikarhi ya kwalomu ka 80, ku kombisa leswaku u ve munhu wa nyama naswona a nga ri ntsumi leyi tihundzuleke munhu wa nyama.—Mat. 8:20.

“. . . Ta Swi Tiva Leswaku Hi Mina Yehovha”

XI HUMELELA MIKARHI YO TLULA 50

Mikarhi yo tlula 50 Ezekiyele u boxa Xikwembu xi ri karhi xi byela vanhu leswaku va “ta swi tiva leswaku hi mina Yehovha,” ku kandziyisa leswaku i Yehovha ntsena loyi a faneriwaka hi vugandzeri lebyi tengeke.—Ezek. 6:7.

“Yehovha Hosi Leyi Tlakukeke”

XI HUMELELA KA 217

Xiga lexi nge “Yehovha Hosi Leyi Tlakukeke” xi humelela mikarhi ya 217, ku nyika vito ra Xikwembu ndhuma leyi faneleke ni ku kandziyisa leswaku ntumbuluko hinkwawo wu le hansi ka Yehovha.—Ezek. 2:4.