DYONDZO 36
Tshembeka Eka Swilo Hinkwaswo
Hinkwerhu hi lava vanghana vo tshembeka. Yehovha na yena u lava vanghana vakwe va tshembeka. Kambe leswi a swi olovi emisaveni leyi vanhu vo tala va nga tshembekangiki. Hi vuyeriwa njhani loko hi tshembeka eka swilo hinkwaswo?
1. Hi xihi xivangelo xa nkoka ngopfu lexi endlaka hi tshembeka?
Loko hi tshembeka eka vanhu van’wana, hi kombisa leswaku hi rhandza Yehovha hi tlhela hi n’wi xixima. Xiya: Yehovha u tiva swilo hinkwaswo leswi hi swi ehleketaka ni leswi hi swi endlaka. (Vaheveru 4:13) Wa swi vona loko hi hlawula ku tshembeka naswona swa n’wi tsakisa. Rito rakwe ri ri: “Yehovha wa n’wi nyenya munhu la kanganyisaka, kambe i munghana lonkulu wa lavo lulama.”—Swivuriso 3:32.
2. Hi nga swi kombisa njhani leswaku hi tshembekile?
Yehovha u lava hi ‘Byelana ntiyiso.’ (Zakariya 8:16, 17) Swi vula yini leswi? Leswi swi vula leswaku loko hi vulavula ni mindyangu ya hina, lava hi tirhaka na vona, Vakreste evandlheni kumbe vatirhela mfumo a hi va hembeli kumbe hi va byela rungula leri nga riki rona. Vanhu vo tshembeka a va yivi kumbe va dyelela van’wana. (Hlaya Swivuriso 24:28 na Vaefesa 4:28.) Loko va kolota swibalo va swi hakela. (Varhoma 13:5-7) Loko hi endla leswi ni swin’wana, hi “tikhoma hi ku tshembeka eka swilo hinkwaswo.”—Vaheveru 13:18.
3. Hi vuyeriwa njhani loko hi tshembekile?
Loko hi dume hi ku tshembeka, vanhu va hi tshemba. Ni le vandlheni vamakwerhu va ta titwa va tshunxekile ku va na hina ku fana ni loko va ri endyangwini lowu nga ni rirhandzu. Hi va ni ripfalo leri baseke. Loko hi tshembeka hi “sasekisa dyondzo ya Muponisi wa hina, ku nga Xikwembu” swi tlhela swi endla ni van’wana va lava ku gandzela Yehovha.—Tito 2:10.
ANAKANYISISA
Vona ndlela leyi ku tshembeka swi n’wi khumbaka ha yona Yehovha ku katsa na wena u tlhela u dyondza ndlela leyi u nga tshembekaka ha yona eka swiyimo swo hambanahambana.
4. Yehovha wa tsaka loko hi tshembeka
Hlaya Pisalema 44:21 na Malakiya 3:16, ivi mi bula hi swivutiso leswi:
U ehleketa leswaku hikwalaho ka yini ku ri vuphukuphuku ku tibyela leswaku hi nga swi kota ku tumbeta ntiyiso?
U ehleketa leswaku Yehovha u titwa njhani loko hi hlawula ku vulavula ntiyiso hambiloko swi nga olovi?
Loko vana va vulavula ntiyiso, va tsakisa vatswari va vona. Loko hi vulavula ntiyiso, hi tsakisa Yehovha
5. Tshembeka mikarhi hinkwayo
Vanhu vo tala va tshemba leswaku a swi koteki ku tshembeka mikarhi hinkwayo. Kambe kambisisa leswaku hikwalaho ka yini hi fanele hi tshembeka mikarhi hinkwayo. Tlanga VHIDIYO.
Hlaya Vaheveru 13:18, ivi mi bula hi ndlela leyi hi nga tshembekaka ha yona . . .
endyangwini.
entirhweni kumbe exikolweni.
eka swiyimo swin’wana.
6. Swa hi vuyerisa ku tshembeka
Mikarhi yin’wana swi nga hi vangela swiphiqo loko hi tshembeka. Kambe i swa nkoka mikarhi hinkwayo ku tshembeka. Hlaya Pisalema 34:12-16, ivi mi bula hi xivutiso lexi:
Ku tshembeka swi ku pfuna njhani?
Loko nuna ni nsati va tshembekile vukati bya vona bya tiya
Loko vatirhi va tshembekile, vathori va vona va va tshemba
Vaakatiko vo tshembeka va ni ndhuma leyinene eka vatirhela mfumo
VAN’WANA VA RI: “Swivunwana swin’wana a swi dlayi.”
Hikwalaho ka yini u tshemba leswaku Yehovha u venga mavunwa hinkwawo?
NKATSAKANYO
Yehovha u lava leswaku vanghana vakwe va tshembeka eka swilo hinkwaswo leswi va swi endlaka ni leswi va swi vulaka.
Mpfuxeto
U nga swi kombisa hi tindlela tihi leswaku wa tshembeka?
Hikwalaho ka yini ku ri vuphukuphuku ku tibyela leswaku hi nga swi kota ku tumbeta ntiyiso?
Hikwalaho ka yini u lava ku tshembeka mikarhi hinkwayo?
KUMA LESWI ENGETELEKEKE
Vatswari va nga va dyondzisa njhani vana va vona ku tshembeka?
Hi vuyeriwa njhani loko hi endla leswi hi nga swi tshembisa?
Twana leswaku hikwalaho ka yini hi fanele hi hakela swibalo hambiloko swi nga tirhisiwi hi ndlela leyi faneleke.
“Swibalo—Xana U Fanele U Swi Hakela?” (Xihondzo xo Rindza, September 1, 2011)
I yini leswi pfuneke wanuna loyi a a nga tshembeki leswaku a cinca kutani a sungula ku tirha hi ku tshembeka?
“Ndzi Dyondze Leswaku Yehovha U Ni Tintswalo Naswona Wa Rivalela” (Xihondzo xo Rindza, May 1, 2015)