Ku Pfanganisa Vukhongeri
Xana vanhu lava nga eka vukhongeri hinkwabyo va gandzela Xikwembu lexi fanaka?
Xana Bibele yi vula leswaku Yehovha u amukela vukhongeri hinkwabyo hambiloko byi dyondzisa tidyondzo leti nga faniki?
Mt 7:13, 14; Yh 17:3; Ef 4:4-6
Swikombiso swa le Bibeleni leswi nga hi pfunaka:
Yx 24:15—Yoxuwa u vule leswaku hi fanele hi hlawula loko hi lava ku tirhela Yehovha kumbe swikwembu swin’wana
1Th 18:19-40—Yehovha u tirhise muprofeta Eliya ku kombisa leswaku vagandzeri va Xikwembu xa ntiyiso, a va fanele va nga katseki eka ku gandzela swikwembu swin’wana, swo fana na Bali
Xana Yehovha a titwa njhani hi swikwembu swa matiko ni ndlela leyi a swi gandzeriwa hayona?
Xana Yehovha u titwa njhani loko vanhu va vula leswaku va gandzela yena kambe va endla ni mikhuva yo biha leyi a yi vengaka?
Esa 1:13-15; 1Ko 10:20-22; 2Ko 6:14, 15, 17
Swikombiso swa le Bibeleni leswi nga hi pfunaka:
Eks 32:1-10—Yehovha u hlundzukile swinene loko Aroni a endle xifaniso xa rhole leswaku xi gandzeriwa, hambileswi vanhu a va vula leswaku va xi tirhisela ku tlangela “nkhuvo wa Yehovha”
1Th 12:26-30—Hosi Yerobuwamu u sivele vanhu leswaku va nga yi etempeleni eYerusalema, kutani u endle swifaniso a vula leswaku swi yimela Yehovha, kambe sweswo swi endle leswaku vanhu va dyoha
Yehovha u va dyondzise njhani Vaisrayele leswaku va tihambanisa ni vanhu lava a va gandzela swikwembu swin’wana?
Xana Yehovha u endla yini loko vanhu va yena va gandzela swikwembu swin’wana?
Vaa 10:6, 7; Ps 106:35-40; Yr 44:2, 3
Swikombiso swa le Bibeleni leswi nga hi pfunaka:
1Th 11:1-9—Hi ku tshikileriwa hi vavasati va yena vamatiko, Hosi Solomoni u hlundzukise Yehovha hi ku gandzela swikwembu swin’wana
Ps 78:40, 41, 55-62—Asafa u hlamusele ndlela leyi Vaisrayele va xandzukeke ni ku tlhela va gandzela swikwembu swa hava laha va twiseke Yehovha ku vava, sweswo swi endle leswaku Yehovha a fularhela vanhu vakwe
Xana Yesu u angule njhani eka tidyondzo leti a ti nga fambisani na Rito ra Xikwembu?
Swikombiso swa le Bibeleni leswi nga hi pfunaka:
Mt 16:6, 12—Yesu u fanise tidyondzo ta Vafarisi ni Vasaduki ni comela hikuva tidyondzo leti hoxeke ti hatla ti hangalaka naswona ti thyakisa ntiyiso lowu tengeke lowu nga eRitweni ra Xikwembu
Mt 23:5-7, 23-33—Yesu u ma sole swinene mahanyelo ya vukanganyisi ni tidyondzo leti hoxeke ta vatsari ni Vafarisi
Mr 7:5-9—Yesu u paluxe vatsari ni Vafarisi hileswi a va rhangisa ndhavuko wa munhu ku tlula tidyondzo leti nga eRitweni ra Xikwembu
Xana Yesu a lava leswaku valandzeri vakwe va avana va va mintlawa yo hambanahambana ya vukhongeri?
Swikombiso swa le Bibeleni leswi nga hi pfunaka:
Yh 15:4, 5—Yesu u tirhise xifaniso xa mudiriva ku kombisa vun’we lebyi valandzeri vakwe va faneleke va va na byona na yena swin’we ni Vakrestekulobye
Yh 17:1, 6, 11, 20-23—Hi vusiku byo hetelela ni vaapostola vakwe a nga si dlayiwa, Yesu u khongelele leswaku valandzeri vakwe va ntiyiso va va ni vun’we
Xana Vakreste va le mikarhini ya khale a va pfumela eka tidyondzo leti fanaka va tlhela va gandzela Yehovha hi ndlela leyi fanaka?
Swikombiso swa le Bibeleni leswi nga hi pfunaka:
Mi 11:20-23, 25, 26—Mavandlha ya le Antiyoka ni le Yerusalema a ma ri ni vun’we ma tlhela ma tirhisana
Rhm 15:25, 26; 2Ko 8:1-7—Mavandlha ya Vakreste vo sungula ma kombise leswaku ma ni rirhandzu hi ku pfunana hi mikarhi yo tika, leswi a swi kombisa leswaku ma ni vun’we
Xana Xikwembu xi amukela vukhongeri hinkwabyo lebyi vulaka leswaku byi pfumela eka Kreste?
Loko vanhu va nga ti yingisi tidyondzo ta Kreste ni ta vaapostola, xana vugandzeri bya vona bya amukeleka?
Swikombiso swa le Bibeleni leswi nga hi pfunaka:
Mt 13:24-30, 36-43—Yesu u fanise Vakreste va mavunwa ni mfava laha a vuleke leswaku ku ta va ni Vakreste vo tala va mavunwa, naswona hi ku famba ka nkarhi a va ta tala evandlheni
1Yh 2:18, 19—Muapostola Yohane loyi a dyuhaleke u paluxe leswaku vanhu vo tala lava a va kaneta Kreste se a va humelerile kwalomu ka malembe ya 100 endzhaku ka loko Yesu a humelerile