Xana U N’wi Teka Njhani Yesu?

Xana u teka Yesu tanihi ricece, wanuna loyi a faka kumbe Hosi leyi tlakukeke?

Bibele yi vula leswaku Yesu i Hosi ya matimba? Kambe xana leswi swi vula yini eka wena?

Vanhu vo tala va tshemba leswaku Yesu u va ferile. Kambe, xana swi ta njhani leswaku rifu ra munhu un’we leri endlekeke eka malembe ya kwalomu ka 2 000 lama hundzeke ri vula vutomi eka vanhu van’wana namuntlha?

Wa rhambiwa leswaku u ta yingisela tinhlamulo ta Matsalwa ta swivutiso leswi. Rungula leri ri ta nyikeriwa loko Timbhoni ta Yehovha ti hlengeletanile leswaku ti tsundzuka rifu ra Yesu. Lembe leri siku ro tlangela xiendlakalo xexo ri ta va hi Ravumune, April 5, endzhaku ka ku pela ka dyambu.

Hi kombela leswaku u vutisa Timbhoni ta Yehovha ta le ndhawini ya ka n’wina malunghana ni nkarhi ni ndhawu leyi nhlangano lowu wu nga ta khomeriwa eka yona.

Hi mahelo-vhiki lama landzelaka siku ra ku tsundzukiwa ka rifu ra Yesu, Timbhoni ta Yehovha ti ta tlhela ti nyikela nkulumo leyi tsakisaka leyi sekeriweke eBibeleni, leyi nga ni nhloko-mhaka leyi nge “Xana Makumu Ma Le Kusuhi Swinene Ku Tlula Rini Na Rini?” Nkulumo leyi ku ta va xiendlakalo xa nkoka emisaveni hinkwayo xa matshalatshala yo fikelela vanhu hinkwavo lava rhandzaka ntiyiso ni lava lavaka ku dyondza leswi engetelekeke hi Yesu. Wa rhambiwa leswaku u va kona.