Lunghiselela Mbilu Ya Wena

Loko hi dyondza Bibele, hi lava leswaku swilo leswi hi swi dyondzaka hi Yehovha swi khumba timbilu ta hina. Ezra u hi vekele xikombiso lexinene emhakeni leyi loko a “lunghisele[la] mbilu yakwe ku kambisisa Nawu wa Yehovha.” (Ezra 7:10; nhlamuselo ya le hansi.) Hi nga tilunghiselela njhani timbilu ta hina?

Khongela. Sungula hi ku khongela u nga si dyondza. Kombela Yehovha a ku pfuna u twisisa ni ku tirhisa leswi u swi dyondzaka.—Ps. 119:​18, 34.

Titsongahate. Xikwembu a xi wu paluxi ntiyiso eka lava titshegaka hi vutlhari bya vona. (Luka 10:21) U nga endli ndzavisiso hileswi u lavaka ku tekeriwa enhlokweni. Cinca langutelo ra wena loko ri nga fambisani ni leswi Xikwembu xi swi lavaka.

Yingisela risimu ra Mfumo. Vuyimbeleri byi ni matimba yo khumba timbilu ta hina, byi hi lunghiselela ku gandzela. Loko u yingisela risimu ra Mfumo u nga si dyondza, swi ta ku pfuna leswaku u lunghiselela mbilu ya wena.