Nkatsakanyo Wa Tiko Ra Indonesia

Tiko ra kona Ri hundza eikhweyita hi le xikarhi ka Australia ni tikonkulu ra Asia, tiko ra Indonesia hi rona leri nga ni swihlala swo tala emisaveni hinkwayo. Swo tala swa swihlala swa kona swo tlula 17 500 swi ni tintshava ni makhwati lama tlhumeke. Ri ni tivholkheno to tlula 100 leti nga ni matimba, nakambe i tiko leri nga ni tivholkheno to tala emisaveni.

Vanhu va kona Indonesia i tiko ra vumune leri nga ni vaakatiko vo tala emisaveni hinkwayo (ri landzela Chayina, Indiya na United States) naswona ri ni tinxaka ta vanhu to tlula 300. Mintlawa ya tinxaka ta Majava ni Masundane yi ni vaakatiko vo tlula hafu.

Vukhongeri Kwalomu ka tiphesente ta 90 ta vaakatiko va le Indonesia i Mamoslem. Van’wana i Mahindu, Mabudha kumbe lava tivulaka Vakreste. Nakambe vanhu vo tala va landzela ndhavuko wa milawu ya vukhongeri.

Ririmi ra kona Ku vulavuriwa tindzimi to tlula 700 eswihlaleni hinkwaswo. Ririmi leri tolovelekeke i Xiindonesia, lexi humaka eka Ximalay. Vanhu vo tala va vulavula ririmi ra manana ekaya.

Ndlela yo tihanyisa Vanhu vo tala va ni mapurasi lamatsongo kumbe va xavisa. Tiko leri ri na timinerali to tala swin’we ni timhandzi, oyili ni gasi ya ntumbuluko naswona ri xavisa rhaba ni mafurha ya ncindzu.

Swakudya swa kona Rhayisi hi yona leyi dyiwaka ngopfu. Swakudya leswi dumeke swi katsa nasi goréng (rhayisi leyi katingiweke swin’we ni tandza leri nga ni matsavu), satay (nyama yo oxiwa leyi tlhomiweke eka swimhandzana) na gado-gado (saladi ni xiridza).

Maxelo Ka hisa naswona ku ni moya wo tsakama. Mimoya leyi nga kona yi endla leswaku maxelo ma tsakama ma tlhela ma oma. Ku dzindza ka tilo i tshamelomaxelo