14 Makunu Mosi i no rumela zvirun’wa zvi suka hi Kadhexe zviya ka hosi ya Edhomi,+ zvi yaku: “A makabye wa wena, Izrayeli,+ i ngalo: ‘Wena wa ti tiva khwatsi a tixanisa tontlhe leti hi kumeneko nato.

17 Makunu hi kombela ku tsemakanya hi lomu tikweni ga wena. Hi nga ta tsemakanya hi lomu masin’wini kutani hi lomu zvivhineni,* ne hi nga tanwa mati ya ni yihi hlowo. Hi ta famba hi ruwa ga hosi; hi nga ta hambuka hiya cineneni kutani cibhabheni kala hi hundza lomu tikweni ga wena.’”+

21 Makunu Izrayeli i no rumela zvirun’wa zviya ka Sihoni, a hosi ya vaAmori, zvi yaku:+ 22 “Hi tsike hi tsemakanya hi lomu tikweni ga wena. Hi nga ta hambuka hi nghena lomu masin’wini kutani lomu civhineni. Hi nga tanwa mati ya ni yihi hlowo. Hi ta famba hi ruwa ga hosi kala hi hundza lomu tikweni ga wena.”+