25 Mosi i no hlawula a vavanuna va nga ni wutlhari cikari ka vaIzrayeli vontlhe, a va yimisa kota tihosana hehla ka vanhu, vava varangeli va mitlawa ya 1000 wa vanhu, ni varangeli va mitlawa ya 100 wa vanhu, ni varangeli va mitlawa ya 50 wa vanhu, ni varangeli va mitlawa ya 10 wa vanhu. 26 Hikwalaho, va wa lamula a vanhu loku ku vhuka timhaka. A timhaka to karata va wa ti yisa ka Mosi,+ kanilezvi tontlhe a timhaka ta titsongwani hi vona va nga kari va lamula.

18 “Yimisa valamuli+ ni tihosana ka lixaka lin’we ni lin’wani ka wontlhe a madhoropa* lawa Jehovha, a Nungungulu wa wena, a ku nyikako. Va wa lamule a vanhu hi kululama.

8 “Loku ku vhuka mhaka yi ku karatelako nguvhu ku yi xuxa ka gin’we ga madhoropa ya wena, kani i mhaka yi yelanako ni kuhalatiwa ka nkhata,+ kani cikhalo ci vhuxilweko, kutani tihanyi ti mahilweko, kutani yin’wani mhaka yi vhuxako kukanetisana, suka uya ka wutshamu legi Jehovha, a Nungungulu wa wena, a to gi hlawula.+