38 Makunu a ndzilo wa Jehovha wu no relela hi le hehla wu ta hisa a munyikelo wa kuhiswa,+ ni tihunyi, ni maribye, ni misava, wu tlhela wu pswhisa a mati lawa ma nga hi lomu nkeleni.+ 39 A cikhati leci a vanhu vontlhe va nga wona lezvo, va no tekela kuwa hi tinghohe lahasi, vaku: “Jehovha hi yena Nungungulu wa lisine! Jehovha hi yena Nungungulu wa lisine!”

7 Zvalezvi Solomoni a nga mbheta ku khongela,+ ku no relela ndzilo hi le matilweni+ wu ta hisa a munyikelo wa kuhiswa ni miphahlo, a yindlu yi tala hi kungangamela ka Jehovha.+

3 A vanhu vontlhe va ka Izrayeli va wo cuwukela a cikhati leci a ndzilo wu nga relela ni laha a kungangamela ka Jehovha ku nga hi hehla ka yindlu. Va no korama laha ka wutshamu go bambatelwa, a tinghohe tabye na ti cuwukile lahasi, va tlhela va khizama va bonga Jehovha, “hakuva mu nene; a lirandzo lakwe li nga mbheliko li simama kala kupindzuka”.