2 Asa i no maha zvazvinene ni zvakululama mahlweni ka Jehovha, a Nungungulu wakwe. 3 I no susa a maalati ya vanungungulu va matiko+ ni matshamu yo tlakuka, a fayetela ni mapilari yo basa*+ ni ku tsemelela a tisinya to basa.*+ 4 Ahandle ka lezvo, i no byela a vaJudha lezvaku va hlota Jehovha, a Nungungulu wa vakokwani vabye, ni ku hlayisa a Nayo ni zvileletelo. 5 Hikwalaho, i no susa a matshamu yo tlakuka ni maalati yo hisela ka wona libani+ madhoropeni wontlhe ya ka Judha; a mufumo wu no simama kuva ni kurula kufumeni kakwe.

11 Makunu Asa i no kombela ka Jehovha, a Nungungulu wakwe,+ aku: “O Jehovha, wena a wu cuwuki ku lava u va vhunako va tele kutani a va na ntamu.+ Hi vhune, O Jehovha, Nungungulu wa hina, hakuva hi ti seketele ka* wena+ niku hi tile mahlweni ka citshungu leci hi kota ya vito ga wena.+ O Jehovha, wena u Nungungulu wa hina. U nga tsiki munhu wa ku wafa a ti maha wa ntamu a ku hundza wena.”+

17 Kanilezvi a matshamu yo tlakuka a ma susiwangi+ lomu Izrayeli.+ Hambulezvo, a mbilu ya Asa yi wa mbhelele wutomini* gakwe gontlhe.+