• 1 Samuweli 31:1-5
    Wuhundzuluseli ga Misava Yiswa ga Bhibhiliya go Basa

    • 31 Makunu a vaFilistiya va wa kari valwa ni vaIzrayeli.+ A vavanuna va ka Izrayeli va no tsutsuma a vaFilistiya, ku dawa a vanhu vo tala Citsungeni ca Gilbhowa.+ 2 A vaFilistiya va no hlongolisela Sawule ni vana vakwe va tshinela kusuhani kabye. Va no daya Jonatani,+ na Abhinadhabha, na Malkixuwa, a vana va Sawule.+ 3 A yimpi yi no hisa nguvhu ka Sawule, a kumiwa hi vaphandi va mipaxa niku i no bayisiwa nguvhu hi vaphandi va mipaxa.+ 4 Makunu Sawule i no byela a muweleli wa matlhari yakwe, aku: “Hlomula a cipadha ca wena u ndzi tlhava hi cona, kasi a vavanuna lava vo kala ku mahiwa wukwera*+ va nga ndzi tlhavi, va ndzi maha zvilo zva xapi.* Kanilezvi a muweleli wa matlhari yakwe a nga vhumelangi, hakuva i wa chava nguvhu. Hikwalaho, Sawule i no teka a cipadha a ti hoxela ka cona.+ 5 Laha a muweleli wa matlhari yakwe a nga wona lezvaku Sawule i file,+ yenawu i no ti hoxela laha ka cipadha cakwe, afa naye.