3 Lava kuve vafana lava Dhavhidha a nga pswalelwa Hebroni:+ A matewula kuve Amnoni,+ loyi a mamani wakwe a nga hi Ahinowame,+ a muJezreeli; a wa wumbiri kuve Dhaniyeli, loyi a mamani wakwe a nga hi Abhigayili,+ a muKarmeli; 2 a wa wunharu kuve Absalome,+ a n’wana wa Maaka, a nhanyana wa Talmayi, a hosi ya le Gexure; a wa wumune kuve Adhonija,+ a n’wana wa Hagite; 3 a wa wutlhanu kuve Xefatiya, loyi a mamani wakwe a nga hi Abhitali; a wa wu 6 kuve Itreyama, loyi a mamani wakwe a nga hi Egla, a sati wa Dhavhidha. 4 A vana lava va 6 i pswalelwe Hebroni; seyo i no fuma a 7 wa malembe ni 6 wa tihweti. Le Jerusalema i no fuma 33 wa malembe.+

5 Lava a nga pswalelwa Jerusalema kuve lava:+ Ximeya, na Xobhabha, na Natani,+ na Solomoni.+ A mamani wa vana lava va mune hi Bhatexebha,+ a nhanyana wa Amiyeli. 6 A vana van’wani va Dhavhidha va 9 hi Ibhara, na Elixama,* na Elifelete, 7 na Noga, na Nefega, na Jafiya, 8 na Elixama, na Eliyadha, na Elifelete. 9 Vontlhe lava vave vana va Dhavhidha, a ku tsika lava vo pswaliwa hi vasati vakwe lava va vatsongwani.* A makabye wabye wa cisati ku wa hi Tamari.+