20 Mosi na Aroni va no tekela ku maha zvalezvi Jehovha a nga va leletele. Aroni i no tlakusa nhonga aba mati ya Congo wa Nilo mahlweni ka Faro ni malandza yakwe. A mati wontlhe ya congo ma no cica ma maha nkhata.+

6 Hikwalaho, Aroni i no tlakusa canja gakwe hehla ka mati ya Gibhite; ku no sangula ku huma makhele ma fenengeta tiko ga Gibhite.

17 Va no maha zvalezvo. Aroni i no tlakusa canja gakwe legi a nga khomile hi gona a nhonga yakwe aba ntshuri wa misava, ni tisuna ti no pomela vanhu ni zvihari. A ntshuri wontlhe wa misava wu no cica wu maha tisuna tikweni gontlhe ga Gibhite.+

6 Ka siku gi nga landzela, Jehovha i no maha zvalezvo; a mitlhambi ya tixaka tontlhe ya vaGibhite yi no sangula kufa+ kanilezvi ne cifuyo cin’we ca vaIzrayeli ci ngafa.

10 Hikwalaho, va no nusa khuma laha khumbarini va ya yima mahlweni ka Faro. Mosi i no gi xwanya laha moyeni gi se hundzuka giva zvidlayi zvi humesako wubovhu ka vanhu ni ka zvihari.

23 Hikwalaho, Mosi i no tlakusa nhonga yakwe yi xungeta matilweni. Jehovha i no rumela a kudzindza ni maralala, kuwa ni ndzilo* laha misaveni; Jehovha i no simama ku nisa maralala tikweni ga Gibhite.

12 Makunu Jehovha i no byela Mosi, aku: “Nawuluta a canja ga wena hehla ka Gibhite u vitanisa a humbi kasi yita hehla ka tiko ga Gibhite yi taga a tisinya tontlhe ta tiko — zvontlhe lezvi zvi nga siyiwa hi maralala.”

21 Makunu Jehovha i no byela Mosi, aku: “Nawuluta a canja ga wena gi xungeta matilweni kasi kuva ni munyama tikweni gontlhe ga Gibhite, ina, a munyama wo tshisa nguvhu.”