29 “Laha Jehovha, a Nungungulu wa wena, a to hihirita a matiko lawa u to ma hlongola,+ ni laha u to ngha u akile ka wona, 30 ti wonele kasi u nga phasiwi andzhako ka kuva ma hihiritilwe mahlweni ka wena. U nga wutisi nchumu hi vanungungulu vabye, uku: ‘A matiko lawa ma wa va khozelisa kuyini a vanungungulu vabye? Minawu ndzi ta maha zvalezvo.’+ 31 U nga mahi lezvo ka Jehovha, a Nungungulu wa wena, hakuva va mahela vanungungulu vabye a zvilo zvontlhe zvo nyenyeza lezvi Jehovha a zvi vengako. Vaza va hisa vafana vabye ni vanhanyana vabye laha ndzilweni, va hisela vanungungulu vabye.+

17 Va no hundzisa ni vafana vabye ni vanhanyana vabye hi lomu ndzilweni,+ va vhumba,+ va tirisa masalamuso, va simama ku ti tsitsiritela a* ku maha zvakubiha mahlweni ka Jehovha, kasi ku mu zangarisa.

28 Ahaza+ i wa hi ni 20 wa malembe a cikhati leci a nga maha hosi, niku i no fuma a 16 wa malembe Jerusalema. A nga mahangi zvakululama mahlweni ka Jehovha a ku khwatsi hi lezvi Dhavhidha, a kokwani wakwe, a nga mahile.+

3 Ahandle ka lezvo, i no maha miphahlo ya kuhiswa Nkoveni wa N’wana wa Hinome* a tlhela a hisa a vafana vakwe laha ndzilweni,+ a landzela mahanyela yo nyenyeza ya matiko+ lawa Jehovha a nga ma hlongolile mahlweni ka vaIzrayeli.

33 Manase+ i wa hi ni 12 wa malembe a cikhati leci a nga maha hosi, niku i no fuma a 55 wa malembe Jerusalema.+

6 I no hundzisa a vafana vakwe hi lomu ndzilweni+ Nkoveni wa N’wana wa Hinome,+ a maha masalamuso,+ a vhumba, a tirisa wuloyi a tlhela a yimisa a tin’anga ni vavhumbi.+ I no maha zvakubiha mahlweni ka Jehovha hi mpimo wa hombe nguvhu kasi a mu zangarisa.

31 Ma ha ti nyenyezisa kala ni nyamutlha hi ku nyikela miphahlo ka zvontlhe zvifananiso zva n’wina zva manyala, mu hundzisa a vana va n’wina hi lomu ndzilweni?+ Makunu mu alakanya ku ndzi wa ta vhumela ku mu ndzi wutisa, n’wina va yindlu ya ka Izrayeli?”’+

“‘A ku khwatsi hi lezvi ndzi hanyako’, ku wula Jehovha, a Hosi ya Hombe, ‘ndzi nga ta mu hlamula.+