46 “Jehovha, a Hosi ya Hombe, i ngalo: ‘A nyangwa ya tsendzele* wa lomu cikari yi cuwukileko tlhelweni ga mutsuwuka-gambo+ yi fanele ku simama na yi vhalilwe+ ka 6 wa masiku ya ntiro,+ kanilezvi hi siku ga sabhadho ni siku ga hweti yiswa yi fanele ku vhululiwa. 2 A hosana yi ta nghena hi ligumbagumba la nyangwa ya lahandle,+ yi yima laha ka aro ya nyangwa. A vapristi va ta nyikela a munyikelo wa yona wa kuhiswa wa murumba ni miphahlo ya yona ya kuhlengela; yi ta khizama laha ka cipimbitsi ca nyangwa yi gumesa yi huma. Kanilezvi a nyangwa yi nga vhaliwi kala ni gambo.