27 Ndzi no wona a nchumu wo phatimisa ku khwatsi i simbi yo phatima,+ na wu ku khwatsi i ndzilo wu woningako kusukela ka leci ci nga wonekisa ku khwatsi ciwunu cakwe zviya hehla. A kusukela ciwunwini cakwe zviya hasi, ndzi no wona cilo co khwatsi i ndzilo.+ Ku wa hi ni kuwonekela ko phatima matlhelweni yakwe wontlhe 28 ko fana ni wura ga nyazimi+ lomu refini hi siku ga vhula. Ku wa wonekisa lezvo a kuwonekela ko phatima matlhelweni yakwe. Ku wa ku khwatsi kungangamela ka Jehovha.+ A cikhati leci ndzi nga zvi wona, ndzi nowa hi nghohe, ndzi sangula kuzwa gezu ga munhu na a wulawula.

3 Hi kulandzela, a kungangamela ka Nungungulu wa Izrayeli+ ku no suka hi laha ku nga tshamile kona, hehla ka makerubhima, kuya laha ka cipimbitsi ca nyangwa ya yindlu.+ I no vitana a wanuna loyi a nga bohile a tinguwo ta wukene, loyi a nga hi ni linanga la mutsali la ku chela ka lona tinta ciwunwini cakwe.